متن نوحه های ترکی و فارسی

حضرت امام حسین (علیه السلام)

عشقون صفاسین عالم امکانه وئرم

الدن بو عشقی گر بویانام قانه وئرمرم

بیر یول طواف مرقد شش گوشه وین سنون

یوز یول طواف کعبه جانانه وئرمرم

بیر قطره سو نصیبیم اولا گر فراتیدن

دریای بی کرانه، عمانه وئرمرم

گؤزده مجسم ایلرم اکبر جمالینی

مین لر، جمال یوسف کنعانه وئرمرم

مُهر نمازیدور منه بو قانلی تربتون

باللّه بو مُهری،مُهر سلیمانه وئرمرم

بیر گلدن اؤتری ،مین ستم خاره دؤزمیشم

بیر گل دی که تمام گلستانه وئرمرم

عباس آدین صحیفهٔ سینم ده یازمیشام

هئچ امتیازه آند اولا قرآنه وئرمرم

نور جمال قاسمه ،دلدن پؤزولموشام

ماه منیر و مهر درخشانه وئرمرم

آب حیاتیدور منه بو شور گؤز یاشیم

بیر قطره سین او چشمهٔ حیوانه وئرمرم

الله اگر مجاور ائده قبریوه منی

من کربلانی روضهٔ رضوانه وئرمرم

اؤز یازدیغیم بو شعرلره عاشقم اؤزوم

بیر کلمه سینده لؤلؤ مرجانه وئرمرم

من "خاملم" گدالیقی بو آستانه ده

جاه و جلال و منصب سلطانه وئرمرم

خامل