زبانحال حضرت زینب (س) در وداع 4458
زبانحال حضرت زینب (سلام الله)
در وداع با امام حسین (علیه السلام)
حسين آماده درد و مصائب دور باجون زينب
طريق عشقده هر درده طالب دور باجون زينب
مريد سالك عشقم نه باكيم وار رياضتدن
تحمل ايلرم هر ابتلايه فيض همتدن
داياننام هر بلاده چيخمارام هرگز طريقتدن
طريقتده آنان زهرايه نايب دور باجون زينب
محبت جاده سين سير ائتماقا مردانيم قارداش
شرارشمع حسنينده يانانپروانيم قارداش
ازل گوندن غم واندوهيله همخانيم قارداش
غمه الفت دوتان ، ام المصائب دور باجون زينب
شتابيله بو ميدان بلايه سالموسان مركب
اگر ممكن دي بير لحظه دايان اي حافظ مذهب
سنه تا آشكار ايليم اوركده واردي بير مطلب
بو دم ئوپسون بوغا زيندان مناسب دور باجون زينب
سن اي پشت و پناهيم اي هامي عالملره سرور
باجون سنسيز بوصحراده قالار بي همدم و ياور
روا قيلما قالايالقيز سنه بير عمردور آخر
انيس و مونس و يار و مصاحب دور باجون زينب
بو صحراده گئدر جاه و جلاليم گرچه يغمايه
وليكن وئرمرم فرصت اگر ئولسمده اعدايه
مگر قويام ائده دشمن اهانت آل طاهايه
اوزون تك آل طاها دن مراقب دور باجون زينب
سپاه كوفه نين فكري مشخص دور جداليندان
اگر فكر چپاوول گئچسه بو قومونو خياليندان
خيالون راحت اولسون تا وارام اهل و عياليندان
نچون آماده هر بير نوائب دور باجون زينب
عليدن ارث دور سهم و صلابت آل اطهاره
مگر زهرا قيزي معجر وئرر بو قوم كفاره
ئولر زينب ولي حاشا وئره فرصت ستمكاره
حريم عصمت كبرايه حاجب دور باجون زينب
هراسيم يوخ حوادث سيل اولا داغ تك داياننام من
دل اعداني يانديرام ولي هجرينده ياننام من
اگر مين هنگ اولا لشگر نه باكيم،سهل ساننام من
گورللر عاقبت كفاره غالب دور باجون زينب
خيالون اولماسون آشفته اطفال پريشاندان
داغيلسا چوللره گر وحشت بو قوم عدواندان
ييغاراطفاليوي بيربيرتلاش ايلر بياباندان
گوزوندن چوخ اوشاقلاردان مواظب دور باجون زينب
بويون قربانيم لطف ائت ئوپوم قارداش ركا بندان
خيامه رجعتون اولماز مشخص دور شتابندان
دايان بير ذره آلسون نور حسن آفتابندان
كه اولدن او نور حسنه طالب دور باجون زينب
سني يالقيز گوروب قارداش گلوبدور جرعته لشگر
سالوب سن ئولمميش اهل ولا ني وحشته لشگر
ترحم قيل منه سن سيز آچار ال غارته لشگر
بو غربت چولده محصور اجانب دور باجون زينب
اولان اي سلسبيل لعلينه آب بقا تشنه
اولوب آل علي نين قانينه اهل جفا تشنه
آخير سوچوللره اما قاليب آل عبا تشنه
بو بابتدن هراسان عواقب دور باجون زينب
كسيب دور چاره مي لشگر غم و درده گرفتارم
گرك دامان وصلوندن اوزم ال چونكه ناچارم
ولي ظلم بو لشگردن ائله آشفته افكارم
كه قارداش ئولماقا هر لحظه راغب دور باجون زينب
اولوب شعري بهانه الده شب خيز دل افكارون
قويوب دور آستان لطفيوه صدقيله رخسارون
عنايت قيل قبول ايله منه خاطر بو اشعارون
سنون مداحيوه محشرده صاحب دور باجون زينب
مرحوم عباس شبخیز
منبع مجموعه کانالهای مدح و مرثیه
با سلام