در احوالات حضرت فاطمه زهرا (سلام الله)

 

سونمور اللّه بو مصیبتده نَدَن سینه کوزی؟

بیر نفر یوخ سوروشا ثانیدن آیا بوسوزی؟

 

لعنت اولسون سنه ای ظالم شدّاد و خبیث

فاطمه منزَلَتینده نَقَدَر واردی حدیث؟!

 

هامّیدان یاخچی بیلورسن نَه جلالت واریدی

شأنینه کوثر قرآندا دلالت واریدی

 

مایهٔ فخر و مباهات بَشَر فاطمه‌دی

باعث رحمت حق، دافِعِ شَر فاطمه‌دی

 

چهره سی نورٌ علیٰ نورٌ علیٰ نورِ ازل

ایکی دنیاده خانم فاطمیه یوخدی بَدَل

 

یتیشوب فاطمه‌دن، عالَم هستی شرفه

ماخَلَقْ بیرطَرَفه، فاطمه‌ده بیرطَرَفه

 

بیر بئله جاه و جلال و جَبَروتی اولانین

قلبینه غصّه و اندوه و مصیبت دولانین

 

نَه روادور که یولین کوچه‌ده مسدود ائده‌سن؟

اوزووی لایقِ لعنِ حَقِ معبود ائده سن؟

 

سن نَه جُرأتله یولی سَدّ ائلدون فاطمیه؟

اعتنــا ایلَمــدون کامـله ی عــالِمیه؟

 

سورهٔ کوثر قرآنیدی که ویردون اونی!

گوهر عصمتیدی فاطمه، سیندیردون اونی...

 

نه گناه اوسته شرار غمه یاندیردون اونی؟

محسنین سقط ائلیوب قانه بویاندیردون اونی؟

 

 رحیم فیضی اردبیلی

منبع مجموعه کانالهای مدح و مرثیه