متن نوحه های ترکی و فارسی

مناجات حضرت امام حسین (ع) در قتلگاه

یارب منیم باشیمداکی غوغا سنونکیدور

بو باش و بو تن، بو دل، هامی یکجا سنونکیدور

سودای عشق ایدن، داخی جان فکرین ایلمز

خاصه که جان سنونکیدی سودا سنونکیدور

جای عجب دگل گر اولام سنده محو عشق

جلوه سنوندی محو تماشا سنونکیدور

منده نه واردی، وارلیقیمی بذل ایدم سنه

یکسر بو بند بند اولان اعضا سنونکیدور

گر حرف من گله دیله، تقصیر لفظدور

ذرات کاینات اولا، معنا سنونکیدور

وار علتی چخاتدیم اورکدن دگن اوخی

یارب دئدیم بو منزل و ماوا سنونکیدور

من ساخلادیم بو قومیله دیوانی محشره

عدلیله حکم، داور یکتا سنونکیدور

واردور یری اولیدی ندا خلق، غیبدن

عالم سنون، جلالت عظما سنونکیدور

غم ایتمه ایسی قوملار اولوب ناز بالشون

حور و بهشت، بستر دیبا سنونکیدور

سن گل، پناهسزلاریوین من پناهیم

باخما سکینه، زینب کبری سنونکیدور

یر گوی گلوب فغانه، ایدور فاطمه نوا

فریاد مادرانه زهرا سنونکیدور

ادامه دارد ...

جناب آقای حاج حسین ساکت هویدا

منبع مجموعه کانالهای مدح و مرثیه