متن نوحه های ترکی و فارسی

مناجات حضرت امام حسین (ع) در قتلگاه

اغیار ایچینده مقتلینی ایتدی بزم راز

یوز قویدی محرم حرم کبریا یره

سس یتدی یا حسین دئ اگر وار شکایتون

آخدیقجا قانی یازدی جوابنده لا یره

سویلوب حبیبیم هر نه بلا گلسه راضیم

قویدوم مقام سلمده خوان رضا یره

مین جان ویرم بیر عهدیمون استونده سهلدور

مشکل قویام بو باره ده بار وفا یره

قارداش بالاسی قارداش اوغول ویرمیشم تمام

بیر بیر برابریمده یخوب اشقیا یره

بو زینبون ایکی قوزی قوربانیدور سوسوز

آی قرصی تک دوشوب هر ایکی مه لقا یره

بو اکبریمدی گل کیمی صدپاره دوغرانوب

دوشموش گوزوم ایوینده او گلگون قبا یره

بو اصغریمدی تشنه بوغازیندان اوخلانوب

توکدی ستمله قانینی اهل جفا یره

سرداریمون کسیلدی سو اوستنده قوللاری

قانیله دولدی مشکی، یخلدی لوا یره

بیر اوز باشیم قالور ویرم عهدیم تمام اولا

سنده حبیبیم عهدی یتور منتها یره

گلدی او دم تلاطمه دریای لطف حق

فوراً یتیشدی درگه حقدن ندا یره

هر خواهشون وار ایله قبولیمدی یاحسین

دوشمز مقام لطف و کرمدن دعا یره

سردارون ئولدی، بیرقی یاتدی غم ایلمه

وور بیدق شفاعتی روز جزا یره

هر قدر میلون اولسا او قدری بغشلرم

منده یتورم عهدی او گون انتها یره

عرض ایتدی یارب اولدی گوارا ئولوم منه

دلشادم ایمدی سو کیمی قانیم آخا یره

راوی دیر باخوردوم حسینون جمالینه

حیرانیدیم که گوندی دوشوب، آیدی یا یره؟

بیر نوع جلوه دیدی جمال منوری

گون شرم ایدردی سالماقا ضوء و ضیا یره

اما سوسوز دوداقلاری چوخ بیر بیره دیور

اشگی نثار اولور چو در پر بها یره

ظن ایتدیم اهل کوفه نی نفرین ایدر امام

قطعاً دئدیم گلور بو گون حقدن بلا یره

باخدیم شکایت ایلموری، العطش دیور

بولدوم گیدوب بو یولدا خیالیم خطا یره

قلبیم یانوب، دئدیم سو گتورم او بی کسه

یا مایه وجودی یتورم فنا یره

گیتدیم فراتدن سو گتورم، گلن زمان

باخدیم که حادث اولدی عجب بیر قضا یره

قاره یل اسدی، گون دوتولوب، عالم اولدی تار

یر تترر آز قالور توکوله نه سما یره

اما بیر الده شمر دوتوب دامنین گلور

بیر الده خنجریندن آخاردی دما یره

بولدی مرامیمی دئدی گیتمه یوخ احتیاج

ایسی هواده چکمه مشقت هوا یره

خنجر دمینده من او غریبه سو ویرمیشم

سیراب ایدوب یتوردوم ایشین مقتضا یره...

ادامه دارد ...

مرحوم ذهنی

منبع مجموعه کانالهای مدح و مرثیه