متن نوحه های ترکی و فارسی

احوالات قتلگاه

عراق اهلی قویوب یوز شهِ حجاز اوسته

توکولدی زاغ و زغن ، دسته دسته باز اوسته

قوری یر اوسته ایدردی حقیله راز و نیاز

یتن ووراردی او اهلِ حقی ، نیاز اوسته

دونَنده هریانا اوخلار باتاردی پیکرینه

ویرردی شوقیله جان ، تیرِ جانگداز اوسته

دوتاردی اوجینا قانین یاخاردی صورتینه

سالاردی شیعه لری یاده ، دستماز اوسته

جماعتی یغیشوب آدلاری نماز قیلان

نماز صاحبین ئولدوردولر نماز اوسته

جبینی سجده ده تسلیم اولوب ، دیوب تکبیر

باشی جداده ، بدن قالدی جانماز اوسته

نجاتِ امّت ایچون هر جفایه تاب ایلدی

دوزوب اذیّته محمود تک ایاز اوسته

سکینه سینه سی اوسته ایدوب ز بس ناله

یورولدی ، باشینی قویدی کسیک بوغاز اوسته

گوروب کسوک بوغازیندان حزین سسی گلوری

قولاق ویروب گوروب اول اهلِ رازی ، راز اوسته

دیَر سرین سو ایچنده منی ده یاده سالون

غریب ئولنده گَلون سوزیله گداز اوسته

اولیدی شیعه لر ایکاش روزِ عاشورا

دگنده اصغریمه تیر ، خوابِ ناز اوسته

دوشنده گُل یوزینه اکبرین سرِ زلفی

گورن دیردی سالوب سایه سروِ ناز اوسته

سَنان سِنانه ووروب رأسِ شاهِ عطشانی

قیزی سواریدی جمّازِ بی جهاز اوسته.

مرحوم شیخ اسماعیل تائب

منبع مجموعه کانالهای مدح و مرثیه