در احوالات حضرت زینب کبری (سلام الله)

 

ای کوی عشقین تشنه لب قربانی گل قارداش حسین

زینب گلن یولاروین قربانی گل قارداش حسین

 

من کربلا یعقوبیم ای یوسف ملک حجیز

آدون دلیمده کوینگین سینمده اولام اشکریز

گل پافتاده باجیوی آخر نفسده دوت عزیز

جان استه گوزلر گوزلریم جانانی گل قارداش حسین

 

غربتده یوخ بیر همدمیم دلدن آلا آلامیمی

قورتاردی عمریم زحمت و آلام صبح و شامیمی

اما آلوب هجران غمی دلدن ایله آرامیمی

یوخ بوندان آرتوق دوزماقین امکانی گل قارداش حسین

 

من بیر غریب و بیکسم یوخدور یانیمدا بیر حبیب

نه بیر گلن وار نه گیدن نه آشنا نه بیر طبیب

کیم قبره تاپشورسون منی السم بو غربتده غریب

وار گوزده سیل اشکیمین طوفانی گل قارداش حسین

 

سن جان ویرن ساعتده من سوزیله سینه داغلادیم

سیل سرشک قلبیمین قانین عذاره باغلادیم

گلدیم او حالتده باشین استه باش آچدیم آغلادیم

دولدوردی قانلی گوز یاشیم دامانی گل قارداش حسین

 

تصمیم آلوب اوز عشقینه بیر امتحان ویرسون باجین

عشق اهلینه مین رمزیله عشقین نشان ویرسون  باجون

گل سنده بیر قران اوخی آسوده جان ویرسون باجون

بلسون هامی عشقین ندورمیزانی گل قارداش حسین

 

آرتور فراقین سوزشی قلبیم یاراسی قان ویرور

نه سوز سینم اسکیلورنه گوزیاشیم امکان ویرور

غربتده سنسیز زینبین مین حسرتیله جان ویرور

واراشک آلی خاطر سوزانی گل قارداش حسین

 

قارداش اسیر عشقوم قلبیمده دور عکسین مدام

یار وصالونله تاپارهجران یاراسی التیام

فکریم حسین ذکریم حسین وردیم حسیندور صبح و شام

وارهرسوزیمده بیر حسین عنوانی گل قارداش حسین

 

چیخماز یادیمدان اونداکی آلموشدی آرامون سنون

گل تک جمالین ضعفیدن سولموشدی قارداش غنچه وش

من سندن اوتری قان توکن شمریله ایتدیم کشمکش

قانیله رنگین ایلدیم صحرانی گل قارداش حسین

 

مرحوم خوندل تبریزی