متن نوحه های ترکی و فارسی

 ماه محرم

نه روز گار نه بو چرخ سفله پرور اولیدی

نه تخت سلطنت استه یزید کافر اولیدی

نه کربلا چولینه جمع اولیدی لشکر کوفه

نه شاه تشنه جگرده قتیل لشکر اولیدی

نه باغلانیدی حسینین یوزینه آب فرات

نه سودان اوتری تشنه لب او آل حیدر اولیدی

نه غش ایدیدی او چولده سوسوز دان خوردا اشاقلار

نه العطش ایشیدوب شرمسار او سرور اولیدی

نه سنون قتلیوه قاتللر ایلییدیلر او چولده قیام

نه شمر شوم و ستمگر الینده خنجر اولیدی

کسنده شمر سوسوز باشیوی تشنه سو کنارینده

نولوردی ساقی کوثر الینده ساغر اولیدی

نه قوم دون چیخادیدی او کهنه پیرهنون

نه غش ایدیدی باشین استه بتول اطهر اولیدی

نه قولاری بدنیندن دوشیدی عباسین

نه سر نگون علمی هم یر استه پیکر اولیدی

نه ملک و مالی حسینین گدیدی تالانه

نه اهلبیت پیمبر اسیر کافر اولیدی

نه قتلگاهیده باشین کسیدیلر دالیدان

نه باشین استه گلن باش آچوق پیمبر اولیدی

نه بارماقوندا اولیدی سنون او انگشتر

نه ساربانین الینده قالان او اللر اولیدی

نه شمر اولیدی نه خولی نه خاک و خاکستر

تنوریده نه کول استی او باشه بستر اولیدی

نه شهر کوفه اولیدی نه بزم ابن زیاد

نه سنگسار باشون کوفه ده مکرر اولیدی

نه شهر شام اولیدی نه بزم شرب یزید

نه خیزران نه دوداقلار نه شور محشر اولیدی

نه سینه سینده سنی بسلییدی زحمتیله زهرا

نه پایمال ستوران یارالی پیکر اولیدی

نه قاتلین الی قانیله اولیدی او چولده خضابنه

زلف حضرت زهرا او گونده احمر اولیدی

نه الدوریدی سنی کربلاده قوم شریر

نه زینبین یارالی نعشین استه مشکر اولیدی

نولوردی لطف ایلییدون (ذلیل) نوکریوه

او استانه ده مدفون وفالی نوکر اولیدی

مرحوم ذلیل تبریزی

منبع کانال گنجینه گذشتگان