احوالات جوان نصرانی

 

نه شوردور که دوتوب عالمی عیان گیدوری

بیری بیره قاروشوب خیل قدسیان گیدوری

 

نه غمدی عالم معناده عالم و آدم

دگوبدی بیر بیره یکسر جهانیان گیدوری

 

یقین اولان که یتوب قلب عالمه یاره

که عالم اهلی اولوب زار و ناتوان گیدوری

 

یخوبلا یوخسا امام حسینی میداندا

دگوبدی بیر بیرینه قوم کوفیان گیدوری

 

گلوبدی جنبشه صفلر طلاطمه لشکر

پیاده لر یرییویور آت سالان دوان گیدوری

 

هجوم ایدوب هامی اول شاه بی پناه استه

الینه نیزه و شمشیر اوخ آلان گیدوری

 

کیمیسی داش کیمی نیزه و یا کیمی شمشیر

یتن دایانموری اما دوروب ووران گیدوری

 

جسارت ایتموری هیچ کیمسه کسماقا باشین

قشون هامی دایانوب بیر به بیر باخان گیدوری

 

او دم عمر چاغوروب بیر جوان ترسانی

بو ایش سنوندی دایانما غم نهان گیدوری

 

گل آل بو خنجری گیت اول غریبی ایله خلاص

کسوب باشین گتور انعام زر نشان گیدوری

 

سالوب یولا او جوانی او شاهی الدورسون

ولیک اوز ایشینی بلمور اول جوان گیدوری

 

ایکی الیله او دم باشینه ووروب عیسی

دیردی شرم ایله فخر مسیحیان گیدوری

 

مسیحه امت اولان ایلمز خجالت اونی

بو ایش یزید ایشیدور گور یزیدیان گیدوری

 

گلوب امام حسین دوشدوقی یره یتوشوب

باخوب او شاهه گوروب طاقت و توان گیدوری

 

دوشوب یر استه یارالی بسا صید حرم

یارالاریندان آخار قان اولوب روان گیدوری

 

 مرحوم غمناک تبریزی (امیر خیزی)

منبع کانال گنجینه گذشتگان