در تعریف ارض طوس 

 

خوش حالیوا ای خاک دل آرای خراسان

مدفون اولونوب سنده او مولای خراسان

 

جان کیمی عجب چکموسن آعوشه امامین

قلبینده شرف بخش اولونوب عین مرامین

الحق سنین عرشیدن اعظمدی مقامین

هرلحظه ایدر عرش تمنای خراسان

 

بیربقعه اطیب سن ایا ملک خراسان

فردوس بریندور حرمین روضه رضوان

اجبابلره جای صفا قبله عرفان

حاصل ویری کام دله طوبای خراسان

 

خاک شرفیندن چکلوب گوکلره پرده

زینتدی یوزون بزم جلالتده نظرده

بو تربت پاکینده شفا علت درده

دارحرم امنیدی ماوای خراسان

 

قربان او دررحمته کیم سنده دی محزون

تا شانین اولوبدور اونیله عزته مقرون

مشتاقویلن ایتموسن عالمری مفتون

باشیمده منیم واراودی سودای خراسان

 

یا شاه خراسان سنه قربان اولا جانیم

جانیمه سالوب اتش غم درد نهانیم 

شرح غمیوه گلموری بو نطق و بیانیم

کشف الم و دردیدی مبنای خراسان

 

آدون دله گلدوقجا گیدرقلب توانی

یاندوردی سنه ظلم ایدنین ظلمی جهانی

ایوای منه ایتدی سنه کیم بیله جفانی

رحم ایتمدی احوالیوه اعدای خراسان

 

مهمون ستمگر ایلیوب قتلیوه تدبیر

آخرده ایدوب ظلمیله دین ملکینی تسخیر

تا امر شهادت اولوب انگوریده تقدیر

دولدی شرر زهریله صهبای خراسان

 

مسموم ایدوبدور سنی اول زاده شداد

یخدی حرم دینی ایدوب اوزایوین آباد

یارب سن او ملعونین ایوین ایتگله برباد

ظاهر اولا بو دهریده معنای خراسان

 

(غمناک)سوزون ذکر شهادتده تمام ایت

بو قصه کفایتدی بلا دشتینه بیر گیت

ذکر ایله حسین محنتینی مطلبیوه یت

گلسون اله منظورتولای خراسان

 

مرحوم غمناک تبریزی

منبع کانال گنجینه گذشتگان