متن نوحه های ترکی و فارسی

اثبات عشق حضرت امام حسین (ع)

بخدای یگانه

رشته عشق عاشقه سر مشقدور

عاشقی مجنون ایدن هم عشقدور

عاشق خالص دوشمز عشقیدن

جان ویرینجه ال گوتورمز عشقیدن

هانسی باشدا عشق اولسا جلوه گر

رسمیدور اولسون گرک خونین جگر

ای اولان مستغرق بحر گناه

اچ گوزون عاشقلره ایله نگاه

گوز یاشیندا حضرت یعقوبه باخ

صبر صحراسینده بیر ایوبه باخ

حضرت عیسانی گور سن داریده

گوگلره گیتدی ره دلداریده

طوریده موسایه باخ مدهوش اولوب

جام عشقی ایچممیش بی هوش اولوب

عشق بازارینده گل سودایه باخ

حق یولوندا جان ویرن یحیایه باخ

سعی ایدوب از بسکه مشق عشقیده

محضر معشوقه گلدی طشتیده

بیر بیرینه اولدی عاشقلر دلیل

شمع عشقه اولدی بروانه خلیل

مکتب عشق ایچره سلطان حجاز

اولدی عاشقلر ایچنده بیشتاز

جام عشقین ایچدیلر بیر ذره سین

شاه مظلومان ایچوب باالمره سین

دسته عشاقی چکدی برملا

بزم عشق اولدی اونا کرببلا

سویلدی عشاقه اول سبط خلیل

عاشقین قانی گرک اولسون سبیل

عاشقین اوندا تابار چشمی ضیاء

ایلیه جسمین مراکب توتیا

عاشقین اوندا تابار قلبی سرور

نازنین باشه اولا مسکن تنور

عاشقین اوندا اولار عشقی زیاد

لبلرین خونین ایده ابن زیاد

گاهی کول استه و گاهی سیریده

یاتماسا عاشق دگل گر دیریده

باشینه غملر سالاندا سایه سین

نیزه باشیندا دیسون کهف ایه سین

عاشقین عشقی ایدر اوندا ظهور

نیزه باشیندا اوخور ایات نور

بس تجلی ایتدی اول ثابت نگار

حضرت معبوده اولسون حان نثار

فوج عشاق استه نوشانوش اولوب

جام عشقیله هامی مدهوش اولوب

تابدی فرصت فرقه بی ابرو

دوغرادی عشاقی یکسر مو بمو

گلدی جوشه اشقیانین کینه سی

سیندی ظلمیله امامین سینه سی

جسم مجروحین او قوم بیحیا

ایلدیلر توتیادن توتیا

چیخدی نه افلاکه یردن الامان

قتلگهده ظلم ایدنده ساربان

نعشی قالدی گون ایونده جامه سیز

گزدی باشی نیزه ده عمامه سیز

ای (ذلیل) اولدی بو غم حددن مزید

لعل دندانین ایدوب خونین یزید

مرحوم ذلیل تبریزی

منبع کانال گنجینه گذشتگان