متن نوحه های ترکی و فارسی

احوالات حضرت فاطمه زهرا (سلام الله)

اودم که ترک ایلدی فاطمه بو دنیانی

دوشندی نعشینه آغلار قالان یتیمانی

حسینیله حسن آغلاردی دلده نسکیلیله

انایه دردینی زینب دیردی بو دلیله

سنی نه دللریله اوخشیوم بلالی آنا

یارالی قلبیله ای جان ویرن یارالی آنا

زمانه ده یوزی بیر لحظه گلمین غمدن

جوانلیقیندا اولان قامتی هلالی آنا

گتورمین دله دردین النجه عالمده

سالان همیشه دله هریتن ملالی آنا

غم فراقه دچار ایلدین یتیملرین

دوشوب خیالیوه بسکه آتان وصالی آنا

بلالی زینبه مشکلدی درد هجرانون

دوزر ننوعی گورنده یریوی خالی آنا

کیمین سنین کیمی عالمده شوکتی داغیلوب

گیدوب الیندن ایله عزت و جلالی آنا

کیمین آتاسی الندن صورا یانوب قاپوسی

آلوبلا حقینی بی شرم و دون اهالی آنا

چتیندی بیرده گله زینبین یوزی سنسیز

گوره زمانه ده خوش گون یوخ احتمالی آنا

سالارالنجه خیاله مصیبتین آغلار

حیاتینین یتراتمامه ماه و سالی آنا

مگر چیخار بو یادیمدان که ظلم ثانیدن

گوگردی دخترپیغمبرین جمالی آنا

آتام علینین ایوینده نقدری غم چکدون

گتورمدون  غمین اظهاره ای وفالی آنا

همیشه سروردینه شریک محنتیدون

غمین گورنمزیدون شیر لایزالی آنا

نقدری سن واریدون زینبه فراغتیدی

سن اولماسان اولا راحت چتین خیالی آنا

اوزون گیدوب منی قویدون یرینده محنت کش

ندوراوزوم بلورم امریمین مالی آنا

دسم سزادی او موقعده عرص ایدوب زینب

که ای حدیقه شرم و حیا نهالی آنا

اورک گوزینده مجسمدی کربلا دشتی

دوشور حسنیناو صحراده یاده حالی آنا

وورالا اوندا که اود خیمگاهینه دشمن

یاناراودایچره قالاربیر بولوک عیالی آنا

او گیرو داریده گورزینبین نه حاله قالار

ستمله صید اولی یکسرحرم غزالی آنا

بویاندا جان ویرر عطشان یارالی قارداشیم

باخار فراته اولار العطش مقالی آنا

النجه نسکل اولارزینبه که قارداشمین

گوزونی باغلیان اولماز اولا مجالی انا

گلوب زمانیه (فاکر) نه دخت زینب تک

مقام و شانیده نه فاطمه مثالی آنا

مرحوم فاکر تبریزی

منبع کانال گنجینه گذشتگان