متن نوحه های ترکی و فارسی

احوالات دفن حضرت فاطمه زهرا (سلام الله)

غرض گوتوردوله یورقون یارالی زهرانی

گجه بقیعیده دفن ایلسونله زهرانی

مدینه خلوت و خاموش و بی فروغ و سکوت

جهانی چولقالیوبدور حجاب ظلمانی

ستاره لر سپوری لمعه لمعه نفره اشک

یولا سالوبدی حقیقتده ماه تابانی

سکوت محضیدی  یکسر مدینه شهری ولی

گیدور که بسلیه آرامیشینده طوفانی

توکور سرشکینی زهرا غمینده دیده شب

صباده زمزمه ایلور حدیث هجرانی

گیجه زمانیدی گوزلر یاتوب نه عالمدی

بقیعه حمل ایلیولر غریب دورانی

علی ولایتی حمل ایلوری نه فاطمه نی

علی تشیعی تشییع ایدور نه زهرانی

نه بدرقه نجه عالم که گورمیوبدی جهان

بیله غریبی بو جمعیت پریشانی

گلور بو زمزمه راحت یاتون مدینه لیلر

قوتاردی فاطمه باغلاندی بیت الاحزانی

هامی یاتان گیجه لر آغلیوب ولی بو گیجه

یاتوبدی فاطمه آغلار قویوبدی دنیانی

یانور هرای چکور آی سیزیلدور اولدوزلار

صباده چاک ایلیور غصه دن گریبانی

گیجه نسیمی سیزیلدور گلور نه زمزمه سی

بیر عالمین بو گیدن روحیدور علی جانی

نه کل یاتوب نه ده سسدن دوشوبدی بلبلر

غبار غم بوریوب گلشن و گلستانی

جهان جهان اولالی گورمیوبدی گورمیه جاق

بو کاروانی بیله مجمع پریشانی

حاج صمد قاسمپور

منبع مجموعه کانالهای مدح و مرثیه