زبانحال حضرت زینب (س) با حضرت زهرا (س) 3379
زبانحال حضرت زینب کبری (سلام الله)
به حضرت فاطمه زهرا (سلام الله)
سبک : عروسم ، باشیما کوللر الندی
آنا دردین منه گلسین ، نیه گول تک سارالوبسان
بیله دوتقوندی جمالون ، طاقتیم الدن آلوبسان
درد الوندن غم الوندن ، نه یامان حاله قالوبسان
زینبم آنا دور گویلومی بیر آل
قوللارون بوینوما بیر سال
اولدوخ آماج بلالر ،نه عجب دور و زماندی
بیکسوخ بیله زماندا ، بیزی ترک ایتمه اماندی
داغ سالار قلبه بو نسگیل ، آناسیز لیق نه یاماندی
زینبم آنا دور گویلومی بیر آل
قوللارون بوینوما بیر سال
درگهون اوتدا یاناندان ، ناامید اولدون اوزوندن
دوشدی چوخ مشگله امرون ، دوشمدون صبر و دوزومدن
اشگیوی عارضه توکمه ، قوی اوپوم نیلی یوزوندن
زینبم آنا دور گویلومی بیر آل
قوللارون بوینوما بیر سال
اریدوب غصه وجودون ، قالمادی جان آنا سنده
صورتون بیر گوله بنزر ، که سولوب صحن چمنده
سنیلن غنچه ده سولدی ، سر سر ظلم اسنده
زینبم آنا دور گویلومی بیر آل
قوللارون بوینوما بیر سال
قاپمیز اوتدا یانان گون ، نه هجوم ایلدی اشرار
ظلم اغیاریله قالدون ، آنا بین درو دیوار
قان اولان سینوی قانه ، بویادی آتش و مسمار
زینبم آنا دور گویلومی بیر آل
قوللارون بوینوما بیر سال
آهیمیله دل اهل ، عالمی نسگیله سالام
گورَّم آشفته دی حالون ، غملرین قیدینه قالام
دولانوب باشیوه آخر ، دردوی جانیمه آلام
زینبم آنا دور گویلومی بیر آل
قوللارون بوینوما بیر سال
بو آز عمرونده جهاندا ، غصه دن گول کیمی سولدون
یارالی قوش کیمی مادر ، جور صیّاده سخلدون
نه اولوب کوچه ده بولمم ، آنا توپراقه یخلدون
زینبم آنا دور گویلومی بیر آل
قوللارون بوینوما بیر سال
زبانحال حضرت فاطمه زهرا (سلام الله)
قزیم اگلش سنه زینب ، قلبیده چوخلی سوزوم وار
یتیشوب آخره عمروم ، بو یانان دیلده کوزوم وار
منی غصّه اریدوبدی ، نه قیزیم سنده دوزوم وار
آغلاما بالا آغلاتما بو زاری
سن نوالی من عزالی
یاندیرار جانیمی زینب ، بیله نیسگیللی نگاهون
بیله باخما یانا یانه ، اوت ورور قلبیمه آهون
قوی ایدیم شانه بیر اللی ، بالا بو زلف سیاهون
آغلاما بالا آغلاتما بوزاری
سن نوالی من عزالی
من اولندن سورا قویما ، آغلاسونلار حسنینی
ای منه نایبه زینب ، حیدرین نور دوعینی
او چتین یوم بلاده سنه تاپشردیم حسینی
آغلاما بالا آغلاتما بو زاری
سن نوالی من عزالی
غم اسیری اولاجاقسان ، کربلاده سنه قربان
سنه هر غمده شریکم ، گلرم بیر سنه مهمان
یاری یانمش چادروندا ، ساخلاروخ شام غریبان
آغلاما بالا آغلاتما بو زاری
سن نوالی من عزالی
«زلفیِ» غرق گناهم ، سیئاتیله اَجینم
سرفکنده یوزی قاره ، اهل ناریله قرینم
ولی ایللردی که زهرا ، غمینه زار و حزینم
آغلارام نقدر جانیده جان وار
نقدر دیلده توان وار
حاج علی زلفی
با سلام