متن نوحه های ترکی و فارسی

حرکت اهل بیت (ع)

از کربلا بسوی شهر مدینه

ترحم ایتدی او بیکسلره امام فخار

گوروب که آز قالوراولسون هلاک خرد و کبار

آیردی عمه لرین رافتیله باجیلارین

مزار پاک حسیندن بدیده ی خونبار

کجاوه ده هاموسی اگلشوبله دیده پرآب

مدینه سمتینه نالان اولوبلا راه سپار

گیدردیلر دالیا بویلانوب باخاردیلا چوخ

همین او نوعیله زوارلر ایدررفتار

گیده گیده دولانوب جان آقا جان

آیردی بیزلری سندن سپهرکج رفتار

سواد شهرمدینه گوروندی گوزلرینه

مخدرات حرم چکدی آه آتشبار

میروبله سسه بیردن دیوبله واجدا

ایا محمد محمود وی ملک دربار

بویوردی حضرت کلثوم با دل سوزان

ایا مدینه ی جدیم پیمبرمختار

داخی قبول ایلمه بیزلری دوباره گلاق

چیخاندا واریدی سندن نقدری یارانصار

شهید اولوب هاموسی گلموشوق دل افسرده

سنه گلاق نه یوزیله هانی بیزه غمخوار

کنارشهریده بیر مجلس عزا قورولوب

سرشکلرتوکولوب گل یوزه چو ابربهار

بشیری ایستدی مظلوم امام محضرینه

بویوردی سنده دیرسن آتان کیمی اشعار

ایدوبدی عرض سنه قربان اولوم بلی بلم

بویوردی گیت ایله بو حالی شهریده اظهار

بشیرالده علم گردنینده شال عزا

گیده گیده دیدی یا اهل یثربی تکرار

یتوشدی روضه پیغمبره ایدوب تعظیم

حسینین الماقین ایتدی پیمبره اخبار

اوجالدی شهریده سس وا حسینیله دولدی

قاریشدی بیربیره شهراهلی جمله خردو کبار

دیر بشیر نگوردوم بیر عورتی گلوری

دوتوبدی بیر بالانین الینده اوزار

سئوال ایتدیم او عورت او ماه پاره بالا

دیون بولار منه کیمدور یا اولوالابصار

دیدیله کیم بودی عباس آناسی ام بنین

گلوبدی ایلیه اوغلانلارینی استفسار

سئوال ایتدی ازلده حسین تشنه لبی

دیدیم شهید ایلدی تشنه لب اونی کفار

ایشدجاقین دیدی ایوای سوسوزالن بالا وای

اوزین ایتوردی خانیمدان گیدوبدی صبر و قرار

دیدیم خانم اولا جانلاروفاسینه قربان

سوروشموسان ندن عباسی ای حمیده شعار

دیدی حسینیمه قربان اولوم بشیر مگر

حسینیدن صورا عباس ذکراولا زینهار

اولارفدادی حسینه نه عون و نه جعفر

ویروب هاموسین حسینه آنالاری چون یار

وفای حضرت عباسه شیعلرقربان

ایله وفالی خانیمین ایله بالاسی اولار

ایله وفالی بیرقارداش گلمیوبدی دنیایه

ایله جوانی بو دهرین  آناسی بیرده دوغار؟

واروندی یاخشی بیان(عاصما) دلین ساخلا

عنایت ایسته خدادن سوزیندن اولما کنار

مرحوم عاصم تبریزی

منبع کانال گنجینه گذشتگان