متن نوحه های ترکی و فارسی

احوالات حضرت قاسم (علیه السلام)

قاسم آماده اولوب عرصه ميدانه گئدور

نقد جان الده دوتوب محضر جانانه گئدور

ساقي ميكده ميخانه ني رندانه آچوب

محفل عشقي قلندرلره جانانه آچوب

يولي اولده نچه رند حكيمانه آچوب

نوبت باده يئتوب قاسمه رندانه گئدور

ايله مست ايلوب او مخموري شراب ازلي

بند نعليني آچيق قبضه تيغينده الي

جنگه فكرين متمركز ائليوب مثل علي

ديه سن يانماقا ئوز شمعينه پروانه گئدور

گوردي مولائبله جنگه گئده بو طفل صغير

تئز اياقدان سالاجاق نيزه و شمشيريله تير

امرائدوب پيرهن اوستن سالا بير بردحرير

اولا حافظ كه دم خنجر برانه گئدور

لشگرين قلبين آلوبدي نظره الده حسام

ييخما قا پرچم فرماندهي ني ائتدي قيام

صفلري سنديرا لشگر اولا بي نظم و نظام

يول سالوب مركز اردويه بو عنوانه گئدور

نوجواندور هله نورس بوجوان نبوي

باغ وحدتده آچان گلدي گل مرتضوي

هيبتدن ياغيري صولت و سهم علوي

قصد ائدوب عرصه جولانگهي مردانه گئدور

بير جواندور هله رخساريده يوخ خط دن اثر

سني اون دورت اولا اولماز ائليوب عزم خطر

نه زره دن اثر اگنينده نه كتفينده سپر

بي محابا قويوب اوز مسلخ عرفانه گئدور

زلفيني صيدي كمنده سالا افشان ائليوب

كپريگين عمده شكارائتماقا پيكان ائليوب

باغريني كيمسه تماشايه چيخوب قان ائليوب

سانكي صيد ائتماقا صياد نيستانه گئدور

دگيل اندازه زره قامت مردانه سينه

بير كفن برد يماني سالوب اوز شانه سينه

ديه سن شام زفاف حجله جانانه سينه

عزم ، داماد ائليوب سرخوش و مستانه گئدور

قاسم اوز قدينه هم قد اله بير تيغ آلوب

لشگره ياغديروب اود ولوله كفاره سالوب

جنگينه اهل جدل جنگيده مبهوت قالوب

ائله تكبير چكور نعره سي كيهانه گئدور

لشكره ائتدي خطاب اي سپه كوفه و شام

قاسم بن حسنم حيدر صفدردي بابام

جنگه اقدام ائلسم فكر ائده سوز الده حسام

يوز قويوب شير خدا خندقه شيرانه گئدور

قوشو نون كثرتيني آلمادي اصلا نظره

باخمادي قان توكن اللرده قلج نيزه لره

حمله ور اولدي او چولده سپه خيره سره

اود سالا ساعقه تك خرمن عدوانه گئدور

گوردي سعد اوغلي تاپوب يول قوشونا ضعف و خلل

چيخدي لشگردن آجيقلي او زمان سسلدي گل

هارداسان گور موسن ازرق ندي بو جنگ و جدل

كيمدي جولا نه گلور عرصه ده جولا نه گئدور

قوي قدم عرصه ميدانه ئوزون اولما نحيف

جنگه روحيه سي افرادين اولوب گورنه ضعيف

سنسن آخر بو جوانه بيلورم عمده حريف

كيمدي سندن صورا بو جنگه دليرانه گئدور

ازرقه گلدي بو سوز وئردي عمر سعده جواب

ندي فكرون بو عملدن مني ائتدون نه حساب

روبرو هاردا اولار جنگيده بير شيخيله شاب

هاردا بير تازه جوان جنگينه پيرانه گئدور

اذن وئرسن بو كشاكشده سني شاد ائدرم

جنگه اوغلانلاريمي بير به بير ارشاد ائدرم

سنه بو طرزيله بو عرصه ده امداد ائدرم

گوره سن جنگه بوچولده نئجه فتانه گئدور

ازرق القصه عمر سعدي اودم رام ائلدي

مكريله فيصله وئردي ايشي اتمام ائلدي

بيربير اوغلا نلاريني جنگينه اعزام ائلدي

هر بيري جنگه گلور دوزخ نيرانه گئدور

گوردي ازرق بوجوان علوي عاشق پاك

ائتدي دورت اوغلوني بير بير بو معاركده هلاك

بو مصائب اثريندن سينه سين ايلدي چاك

ئوزي آماده اولوب جنگه اوديوانه گئدور

چكدي بير عربده آت ،ايسته دي ميدانه

سالا قانينه قان ائده اوغلا نلارينون قانين آلا 

آتا دور نيله سين آخر نه كه شيريندي بالا

بو گئديش بيلمدي اما اجلستانه گئدور

روبرو اولدي او دم قاسميله ازرق دون

دورت اوغول داغي اوركده ئوزي سرمست جنون

قاسمين گوردي الينده قالاجاق زار و زبون

بيلدي بو جنگ دگيل ورطه طوفانه گئدور

آلدي شمشيرين اله ايلدي آهنگ جدل

اولدي مابين ده بير نئچه قلج رد و بدل

قاسم بن حسن القصه تاپوب ازرقه ال

پيكر ي يئرده قالوب صوتي بيابانه گئدور

مکریله گتدی یوروش قاسم گل پیرهنه

ایله بیر ظلم ائلدی زینت باغ حسنه

دوشدی توپراقلاراعرض ایلدی شاه زمنه

عمری گل قاسمیون گور نجه پایانه گئدور

داداه گل دورمی اشرار زمن آلدی باجی

توپراقا قاسیموی اهل جفا سالدی باجی

بدنیم اتلار ایاقینده دوشوب قالدی باجی

گله سن دادینه گل پیکری تالانه گئدور

لطف قیل کسمه میش اشرار زمن باشیمی گل

ئوز الونله قانی سیل پاک ائله گوز یاشیمی گل

شاد ائله تک نه منی جمله بنب هاشمی گل

باشیمون قانی آخور گورنجه دامانه گئدور

قاسمیون آلدی سسین وارث سلطان نجف

سالدی آت الده قلج غیظیله میدانه طرف

آزقالور بیلدی اولا پیکری اول چولده تلف

کوردی چون هلهله عرش حق سبحانه گئدور

ذوالفقار الده گتوردی آتی جولانه او شاه

بیلدی جسمین ائلیوب قاسمیون اوخ نیزه تباه

حمله ائتدی قوشونا اولدی پراکنده سپاه

یوز قویوب هر بیری بیر سمته شتابانه گئدور

تاپدی میداندا غرض قاسمی سلطان زمن

گوردی خندان داغلیوب یئرده گل باغ حسن

دیه سن ال گله گلشنده تاپوب زاغ و زغن

باغبان آغلا ماقا صحن گلستانه گئدور

دوشدی بو فکره خیامه آپارا پیکرینی

نئجه قتلاله طرف حمل ائلیوب اکبرینی

یئردن اما گوتوره بیلمدی اول دلبرینی

دوغرانوب پیکری هر قطعه سی بیر یانه گئدور

سینه سی سینه ده گوردی او شهنشاه جهان

قیشلاری یئردن اوزولمورآخیری هر یانا قان

نقدر ائتدی تقلا دورا بلکه او جوان

گوردی عمری قوتولوب خانه دیوانه گئدور

مرحوم عباس شبخیز

منبع مجموعه کانالهای مدح و مرثیه