درد دل با حضرت امام رضا (علیه السلام)

 

ای ضامن آهو اولان ای کان مروت

بیر آهو حساب ائت منه ده ائیله عنایت

 

وئر اذن گلیم محضریوه بیرده سلامه

گوگلوم داریخیب قالمییب هجرانیوه طاقت

 

روحیم تلسیر  تا اوچا صحن و حرمینده

اول پاک حرمدور منیچون روضه جنت

 

 کامه چاتارام گر اولا بیلسم سنه مهمان

گر ایلیه بیلسم سنی شرطیله زیارت

 

دامانیوه گر چاتسا الیم ای گل زهرا

اظهار ائده رم عشقمی ای کان ملاحت

 

سن باب الحوایج بالاسی کان سخاسن

سندن اولی سائل لره ااحسان و کرامت

 

عالیم سن اوزون بوشدی الیم  مستحقم من

سینم دولودی دردیله گل ایله طبابت

 

هر چند گنهکارم اوزوم یوخ غمیم اما

اومید کی چاتسون بیزه محشرده  شفاعت

 

بو درگهین عاشقلریوه خلد بریندی

هر کیم ییخیلب دی قاپووا تاپدی شرافت

 

منده سنه گوز تیکمیشم ای ضامن آهو

زهرا آناوون حقی منی ایله ضمانت