در شهادت حضرت امام حسین (ع) 2448
در شهادت امام حسین (علیه السلام)
ائدنده هلهله میداندا لشگر کفّار
اوجالدیسسائشیدوبخیمهگهدهزینبزار
یتیم قیزلار اوشاقلار تمام اهل حرم
ووروبلا دورهٔ زینبده حلقه ی ماتم
قولاقی سسده گوزی یولدا منتظر ناگاه
نه گوردی سس اوجالور هلهله ائدلّه سپاه
ولی قولاقینه بیر آشنا صداسی گلور
بئله گمان ائلدی دردینین دواسی گلور
ایاقه ووردی که قارداشیوزینی بیرده گوره
اورکدوگوندیدیزیتیتره دیاوتوردییره
بیریندن اوینادی قلبی دوتانمادی آرام
گینه او حالیله یردن دوباره ائتدی قیام
چخوب قاچا قاچا یوز قویدی سمت میدانه
گوروب قوشون هاموسی یوز قویوبدی بیریانه
قاچاردی گه یخلاردی دوراردی آغلاردی
سپردی باشینه تپراق لاری سیزیلداردی
دیردی هارداسان ای زینبین پناهی حسین
یاخوندی یاندیرا آهیم بو مهر و ماهی حسین
ندن توکولموری بس بولمورم یره گوگلر
نجه داغلموری عالم بنا دوتوب یرلر
گذاری تا او چوخور یر کنارینه دوشدی
یارالی قارداشینا باخدی دورمادی گشدی
خطاب قیلدی عمر سعده ای لعین دغا
بونا وصیّت ائدوبدور آتان سنی آیا
حسینی ئولدوره لر تشنه سن دوروب باخاسان
گرک حمیتون اولسا سویا دونوب آخاسان
چون ائتمدی اونا تأثیر زینبین آهی
گلوب تلاطمه دریای غیرت اللهی
محیط غیرتی جوش ائتدی سینه ده داشدی
که قانی باشدان آشوب قانلی گوزلرین آشدی
هنوز ئولمه میشم ای اسیر رنج و تعب
اماندی دشمنه یالوارما ای باجی زینب
بویوردی سن نیه گلدون باجی بو حالیمده
دئدی بولورسن اؤزون هرنه وار خیالیمده
بویوردی دلده بیانه گتور اورک سوزوی
دئدی که گلمیشیدیم باغلیام سنون گوزوی
دئدی خیال ایلمه کیم حسینه آغلیاجاق
آنام سنون عوضیندن گوزومی باغلیاجاق
یانیمدا دورما گوزون گورمه سین غمون آرتار
یاخوندی شمر گله الده خنجر خونخوار
قویوب او حالتیله قان ایچینده قارداشینی
قیتدی خیمیه اما توکردی گوز یاشینی
گئده گئده بو خیالی ائدوب خانم زینب
حسین یوزون گوررم بیرده ئولمه میش یارب
او دم گوروب دالیدان بیر یارالی سس اوجالور
که آشنا سسینه بنزور اختیارین آلور
دونوب باخاندا گوروبدی سر امام زمان
فراز نیزه ده ایلور تلاوت قرآن
(حقیر)خامه ی آتش فشان مصیبتدن
سالور جهانه شراره سرشگ حسرتدن
مرحوم حقیر خوئی
منبع مجموعه کانالهای مدح و مرثیه
با سلام