احوالات حضرت رقیه (سلام الله)

 

یاخچی مواظب اول بو قزون ماجراسی وار 

زهرا کیمی آز عمریده چوخ ابتلاسی وار 

 

من بو قزی بیلورسن ازلدن چوخ ایسترم 

شیرین دلی یانقلی سوزی خوش اداسی وار 

 

خیمم یانان زمان سن ئوزون گوزله بو قزی 

سندن صورا اگر چه باجسی آناسی وار 

 

من ئولممش سن آل بو قزون گوشواره سین 

شمر ئولدورر گوره قولاقندا طلاسی وار 

 

نازیله ساخلا شامه گیدنجکدی زحمتی 

 سالم قیتمز اوردان اورکده یاراسی وار 

 

هر آن منی سوروشسا دیرسن سفرده دور 

ساقدور بابون سلام یازوبدور دعاسی وار 

 

 ال باشینه چکوب اونا تز تز نوازش ایت 

هر کیم یتیمی دیندیره الله رضاسی وار 

 

اما رقیمون باجی تز تز چک اوستونی 

 هر چند یوخدی بستری بیر بوریاسی وار 

 

 بیرده یغشسا باشنه چوخ شام قزلاری 

دیندیرمیون دینن بو قزون چوخ بلاسی وار 

 

 یوخ رغبتی گزوب دولانا بوندان ال چکون 

یولدا چوخ اینجیوب ایاقیندا یاراسی وار 

 

الله گوروم یزیدین اوزون ایلسون قرا 

 بو قز مریضیدور نه طبیب و دواسی وار 

 

فکر بهشتی منزوی قوی زاهد ایلسون 

فکر ایلمز او کس که حسین تک آقاسی وار 

 

منکردن ئوتری خلق اولوب اود یورما فکروی 

 زهدون رواجی اولماسا عشقون بهاسی وار