حضرت زینب کبری (سلام الله)

 

مدعی بسدور بیزه بیهوده ایرادایلمه

سست بنیادین بو ایرادیله برباد ایلمه

 

قلب ناخرسندیوه بیجا عداوت دولماسین

عاشقان کربلائیله رجوعین اولماسین

 

عالمه هم فخر ایدر هم ناز ابالفضل عاشقی

ایلمه تهدید اونی قورخماز ابالفضل عاشقی

 

عاشقان شاه عطشان آتشین احساسیدی

هاموسی ام المصائب زینبه حساسیدی

 

کیمدی وهابیت ملعون بیزی تهدید ایده

بارگاه زینبین تخریبینه تاکید ایده

 

کربلاده،مکه ده،سوریه ده ،باعدل وداد

یوسف زهرا ویره عاشقلره اذن جهاد

 

کل سربازان گردان حسین ناظردیلر

دشمن دین گردنین سیندیرماقا حاضردیلر

 

خون غیرت رگلرینده شیعه نون تکمیل اولوب

شیعه غیرت حوزه سینده فارغ التحصیل اولوب

 

اوردا مولا بخشنامه صادر ایتسه؛بی گمان

بوردا شیعه سسلنر لبیک یاصاحب زمان

 

شیعیه اذن جهاد عالی ترین روحیه دی

بیر اشاریله جوانلار عازم سوریه دی

 

هر کلاسه گیتمروک هرکسدن الهام آلماروق

مست صهبای الستوک ئوزگه دن جام آلماروق

 

بیز حسین دانشگهینده هم مریدوک هم غلام

رشتۀ تحصلی میز حب الحسیندور والسلام

 

بیزازلدن مکتب حبل المتین شاگردیوک

دکترای عشقمیز وار زینبون شاگردیوک

 

عشق شاه کربلانی ویرمروک عالملره

قویماروق بیگانه چپ باخسون قراپرچملر