در احوالات حضرت زهرا (سلام الله)

 

گلوبدی بیرگون ایوه ملک عشق سلطانی

قطیفه یوزده گوروب روبه قبله زهرانی

 

علی نه گوردی یاخوندورکی زهره زهرا

اوفول ایده دوتاظلمت بوکون وامکانی

 

بولوردی گوزلرینون نوری گراولاخاموش

جهان گوزونده اولار شب مثالی ظلمانی

 

بویوردی اچ گوزون ای کائناته نوری سبب.

بونوعی سالماگوزوندن علی اعلانی

 

اوزوم اگرچه هامی مرده جسمه دم ویرم

منم جهانداسرافرازایدن مسیحانی

 

مسیحه دم ویرنه گل بوصون نفس دم ویر

دوباره دم تاپاسنله وجودوم ارکانی

 

سنون وجودیوین عشقیله مرتضی دائم.

بوایوده حس ایلیوب جلوه گاه جانانی

 

ثوابدورالاهرکیم شکسته قلبی اله

بیرامریدورکی گتورم گواه طاهانی

 

ایشیتمیسن بوسینیق قلبیمین سیزیلتی سسین

اورکده قویماقالاسن بودردپنهانی

 

دورای بوایوده اولان باغبانی گوللریمین

سن اولماسان سارالارمرتضی گلستانی

 

ایشیتمیشم کی ئولوم ایستیسن نمازاوسته 

مگردویوبسان علیدن سن ای وفاکانی

 

دعا اجابته یتسه منیم ایدیم یخیلار.

حصارایدرغم وغصه بوخانه ویرانی

 

اگرچه گوردوم الین قاخموری نمازاوسته.

بیراللی ایتدون عمل سن قنوته اول آنی

 

اوقاخمین الیوی بیرنولورکی قالخیزاسان

بوالدی حل ایلین دلده کی معمانی

 

مدینه اهلی سلام ایتموری سوزوم یوخدی.

سنه نه اولدی سبب ای رسول ریحانی

 

دوران زماندانمازه سوموکلرین تیتریر.

نه غم سببدی بله تتردیربواعضانی

 

نولوب قنوت دوتاندابیراللی سن دوتوسان

اورکده ساخلامابودردورنجی کتمانی

 

بویورگوروم نیه مندن یوزووی گیزلدوسن.

ندن عیان ایلمورسن اوماه سیمانی

 

مگرعم اوغلووی بیگانه فرض ایدورسن سن

اورکده ساخلییسان هربلاوایذانی

 

نفس علی نفسی لیک  امر امرامام

که مرده جسمه ویرردم اونفس روحانی

 

نجه نفس کی اونون ذره عطرورایحه سی

سالارتحیره دوردومجی گویده عیسانی

 

نفس کی اولدی دمیده وجودفاطمه ده

اثرگوروندی بدنده به حکم یزدانی

 

نفس الوبدی نفسدن تاپوبدی تازه نفس

اطاعت ایتماقاامرحبیب یکتانی

 

اولحظه اشدی گوزون نوردیده طاها

گوروب یاخوندی اجل درک ایده اومولانی

 

کمال حجب وحیائیله بیرسلام ایتدی

اجابته یتوروب امرشیریزدانی

 

اوقاخمین الینی قالخیزوب سیله اشگین

گوروبدی قاخمادی ال واردی ضعف جسمانی

 

دوباره ساغ الینی قالخیزوب محبتیله

گوزونده موجه گلوب اشک حسرت عمانی

 

شکسته حالیله عرض ایلدی سنه قربان.

فدای هرنفسون کل عالمین جانی

 

سنون ولایتیوین قیمتی علی جاندور.

ولایت عشقینه ایتدیم بوجانی قربانی

 

تمام دارونداریم فداولایتوه.

 وجودنخلی اولاگوزلریوه ارزانی

 

اوزاقدادورماعم اوغلی کناربستره گل.

بوصون نفسده سیلیم اشگ چشم گریانی

 

اگرچه گیتمه لیم من سنه قالان دگورم.

 یاخوندی درک ایلیم پیک رب العلانی

 

اجازه ویرسن اگروارسنه خصوصی سوزوم.

 وصییت ایله حساب ای ولی سبحانی