متن نوحه های ترکی و فارسی

آرزوی کربلا

و گریز به جریان هلال (قتلگاه)

کربلا شهر عشق و عرفاندی

جلوه ی نور حی ّ سبحاندی

کیم ئورکدن دیسه حسینون آدین

حرم کبریایه مهماندی

تربتون دوز ئوپن چاتوب شرفه

زائرون حرمتی فراواندی

دردین اولسا آدین چاغور دیلدن

او گوزل آدی درده درماندی

کعبه گر قبله گاهیدی بشره

کربلا قبله ی محباندی

ای حسینون یاسیندا قاره گیین

قاره کوینک نشان ایماندی

درگهینده ملائک قدسی

اللری سینه ده نگهباندی

آدم و عالم و تمام وجود

تار زلف حسینه قرباندی

کربلاده ایکی علم اسوری

آلتی گوشه مزار سلطاندی

او علم گوز تیکوب حسینه طرف

حرم ساقی لب عطشاندی

بیر علمده اسور ئورکلرده

علم پادشاه ایراندی

دیدیلر کیمدی صاحب بو علم؟

من دیدیم ضامن غریباندی

گلمیشم صدقیله بودرگاهه

شکر بیحد واریمدی اللهه

اهلبیتون بیزه عنایتی وار

قاپوسین کیم دوگه کرامتی وار

آچیرام مطلبین باشین گر آقا

اذن ویرسه گوزل حکایتی وار

دوشدی تا قتلگاهه شاه حجاز

دوره ده دشمنون عداوتی وار

قورویوب لبلری سوسوزدی سوسوز

بوکولوب قدّی غملی حالتی وار

دوداقین ترپنده قان آخوری

ئوز ئوزیلن گورن نه صحبتی وار؟

گوردی بو صحنه نی اوزاقدان هلال

یوخونا گلدی آیری نیتی وار

دیدی مافوقینه سوزوم واردی

ویر اجازه اگر اجابتی وار...

بو یارالی که ایستوری ویره جان

بیر ایچیم سو ویرم نه علتی وار؟

گوردی سرلشگری سکوت ایلدی

بیلدی سعداوغلونون رضایتی وار

کاسه الده گیدوبدی نهره طرف

میزبانون قوناقه حرمتی وار

گوردی عرشه اوجالدی بیر ناله

او غریبون ئورکده محنتی وار

او یارالی عزیز فاطمه دی

اوخ سوکوب سینه سین جراحتی وار

کاسه نی دولدوروب قییتدی هلال

قتلگاهه طرف ئورکده ملال

ایتدی بو منظره هلاله اثر

الده کاسه گوزونده اشک بصر

قتلگهده گوروبدی ولوله دی

دوتوب آئینه ی زمانی کدر

دیدی گر من سو ویرمسم آقایا

شمر دون تشنه لب باشینی کسر

گوردی ناگه اوجالدی بیر ناله

ایلدی سمت قتلگاهه نظر

بیر خانم ساچلارین یولور چکور آه

سالوب آهی یقین جهانه شرر

قانلیدی اللری گورن نه اولوب؟

پوزولوب حال شمر دون بو قدر!

دیدی ذالجوشن اوغلی آغلورسان؟

کسمییدون باشون بیلیردون اگر

بو یارالی عزیز فاطمه دی

ئولدورللر امام عصری مگر؟

ظلمیلن کسموشن حسین باشینی

بلکه سیم و زری سنه ویره لر

خرداجا قیزلارون آتاسیدی بو

ئولوب عباسی خم اولوبدی کمر

حرم اهلی دیور بیری بیرنه

سو الینده بابام هرایه گلر

وای ربابه ئولوبدی صودامری

آیریلیق تیری قلب زاری دلر

آغلارام تا ئولونجه من بو غمه

قدسیان غرق اولوبدیلار المه

: بهلول حبیبی زنجانی