حضرت امام حسین (علیه السلام)

 

وئرمم تمام عالمه شوق وصاليوی

شاهلار گدا اولار هامي ، گورسه جلاليوی

 

چيخ پرده نين دالينّان ايا صاحب الزمان

سال دشمنان دين آرا،سن،قيل و قاليوی

 

وصلت مِيونله،باده ني دولدور، ساقيا

مست اولسون عاشقان، گورنده کماليوی

 

غلمانلار، حوريلر، ييخيلار يان يانا، آقا

گر گورسه لر جمال و رُخِ بي مثاليوی

 

يوسفلرين جهاندا يِنَر قدر و قيمتي

گر گورسَلَر نگارِ من اوُل خط و خاليوی

 

زاهد کيمي،بهشتي داخي ائتمز آرزو

بير لحظه گورسه گر "نجفي" گول جماليوی

 

اکبرنجفی "مادح تبريزی"