متن نوحه های ترکی و فارسی

غزل

دوز باخون روبهی تحسینیله شیر ایلمیون

ارذل  انسانلاری  عالمده  امیر  ایلمیون

خواهش نفسوزه عجز ایتمیون آزاده اولون

روحوزی  دام  نیازوزده  اسیر  ایلمیون

پند آلون پاکترین مرد جهان مولادن

اگمیون ارذله باش فاسقی پیر ایلمیون

متن قرآندی کی مثلی اولا بيلمز حقون

عبدي معبوده خیالوزده نظیر ایلمیون

آییلون قوشمیون آلچاقلارا هرگز اوجانی

فکری  اعلالری  عالمده  حقیر  ایلمیون

فاش ايدون سروزی ستارالعیوبین یوزونه

اوزوزی خوار ایلیوب خلقی خبیر ایلمیون

سعی ايدون صاف دیون سوزلروزی بير بيروزه

آرادا شخص سخن چینی سفیر ایلمیون

نور  ایمانیله  جلوه  یارادون  قلبوزده

معصیتله  اوزوزی  تیره  ضمیر ایلمیون

سعی ايدون خیر عملوز  اللها خاطر اولسون

علموزی  ثروتوزی  گوزلره  تیر ایلمیون

سینوزون گلشنین ایمانیله آباد ایلیون

صرصر  کبریله  مانند  کویر ایلمیون

سیزی ایمان قنادی عرش برينه یتورر

قصد معراج ایلیون غصب سریر ایلمیون

قلب آگاهیله  اندیشه وزی  اصلاح ایلیون

معصیتدن قییدون گونده کثیر ایلمیون

راه آسان سیزه اسلام اصیلین یولودی

یتیرر مقصده تغییر مسیر ایلمیون

نچه ایللردی دییور  شعر  دیلیله (هادی)

اوزوزی هیچ کیمه عالمده اجیر ایلمیون