حضرت امام حسین (علیه السلام)

 

آی عشق طبیبی مرض عشقه دچارم

دردیم ایله بیر دردیدی درمانه یتیشمز

 

معشوق کیمین عاشق جان خستیه قارداش

بیر کیمسه یازوب نسخه طبیبانه یتیشمز

 

زهرا آنامون خاطرینه نسخه می یاز گیت

بیر نسخه کی هیچ خاطر لقمانه یتیشمز

 

گیتسون منی دیندیرمه میش اوللم یولون اوسته

عمروم کوتارار شام غریبانه یتیشمز

 

بیگانه تک آیریلما عزیزوندن عزیزیم

زهرا قیزی سنسیز سرو سامانه یتیشمز

 

آذوقه سیزم قووی یوزووه بیرده باخوم گیت

روحیم قوشونا یوخسا حسین دانه یتیشمز

 

امکانیم ایکی طفلیدی ویردیم سنه قربان

قربانسیز اولان فیض فراوانه یتیشمز

 

ایکاش اوزومده سنه قربان کسیلیدیم

یوخسول دی باجون چون الی قربانه یتیشمز

 

بیر بوسیه مشتاقم حسین لعل لبوندن

بیلمم یتیشر بوسه منه، یا نه ، یتیشمز

 

آق گون قوتاروب زلفوم آغارمیش عوضینده

تدبیر حنا زلف پریشانه یتیشمز

 

سندن صورا من زلفی پراکنده دولاننام

کیم عشقده آغ بیرچک اولا شانه یتیشمز