متن نوحه های ترکی و فارسی

میلاد حضرت امام رضا (علیه السلام)

اي  حُجّت حق  ميرعرب  شاه خراسان

لطفاً بيزه مولود گجه  سي ايله  بير احسان

اي كعبة اهل وفا جانم رضا جانم رضا

اي ملجاء  شاه وگدا جانم رضا جانم رضا

اي خطّة  ايرانه ويرن  شأن  و شرافت

زوّارون اولا كيمسه سني ايتسه زيارت

احسان ايده  سن سائلوه ايستسه حاجت

محشرگوني سنلن اولاجاق خلقه شفاعت

مولاي  جهان  سرور  دين سر و گلستان

لطفاً بيزه مولود گجه سي ايله بير احسان

اجانلار سنه  قربان كه قاپون باب  هدادي

اسموندي رضا جملة اسماء خدادي

درگاهيوه  اولموش خدمه شاه  وگدادي

زايركه گلر طوسه  بولركرب و بلادي

اي  ضامن آهو  و غريب حافظ  قرآن

لطفاً بيزه مولود گجه سي ايله  بير احسان

زوّارگلر قبريوه  سرّين دير آغلار

اظهار ايلير درديني  هر درده گرفتار

مشتاق اولي بير باخماقوا  ياور ودلدار

قالماز اونا گرلطفون اولا درديدن آثار

اي عالمياني ايدن اوز عشقينه  حيران

لطفاً بيزه مولود گجه سي  ايله  بير  احسان

حسرت چكرم بيرده مزارون ايليم بوس

قبروندي بو قلبيمده منيم گوشة فردوس

اميديمي حرمانه دونوب  ايلمه مأيوس

احسان ايله قربان سنه  اي پادشه طوس

اي وصلتي مشكل آچان اي دردلره درمان

لطفاً  بيزه  مولود  گجه سي ايله بيراحسان

اي طوسي ايدن خلد برين  حُجّت  يزدان

گتموبدي قاپوندان بيري مأيوس و پريشان

قربان گوزيوه باخ منه ايت  درديمه درمان

لطفوندي ايدن  شاه  و گدا  قلبيني شادان

اي بحر عطا  جود و كرم  مظهر  ايمان

لطفاً بيزه مولود گجه سي  ايله  بير احسان

شاها كرموندن  بيزه  محتاج عطايوخ

كشكول اميد قولدا سالوب دست به دُعايوخ

مشتاق زيارت سفركرب  و  بلايوخ

جدوندي حسين  دينه فدا  بيزده فدايوخ

اي جان جهان  جانلارا جان  مفخر ايران

لطفاً  بيزه مولود گجه سي ايله بيراحسان

اي خلقتي نور عرشه چاتان رتبه  و جاهي

آدمدن  ازل  خلق   اولونان  نوري الهي

محشر گوني اي شيعه لرين پشت و پناهي

خادمدي سيزه «عدلي» اگر واردي گناهي

اميد شفاعت  واريدي  شافع عصيان

لطفاً بيزه مولود گجه سي ايله بيراحسان

اي كعبةـ اهل وفاـ جانم رضا  جانم  رضا

اي ملجاءـ شاه وگداـ جانم رضاجانم رضا

درصورت زايربودن مصرع دوم مطلع شعررا بخوانيد

زوّاريوه لطفاً شه طوس ايله بير احسان

 حاج اصغر فرشچی (عدلی تبریزی)