متن نوحه های ترکی و فارسی

احوالات دیر راهب

یغوبدی باشلاری باشه جداده رأس امام

دالینجا فوج اسیران اولوب روانهٔ شام

ایدوبله طی منازل دوشوبله صحرایه

یتیشدیلر گجه وقتینده دیر ترسایه

او یرده منزل ایدوبدور سپاه کینه سیر

کنار دیرده تصمیم ایدوبله سُکنایه

گوروب دی راهب او دم دیر ایشقلانوب ناگاه

کمال حیرتیلن بیر چیخوب تماشایه

گوروب که بیر قوشون اوتراق ایدوب او صحراده

جداده وار نچه باش بنذر هر بیری آیه

او باشلارین بیرینون نوری چولقوب او چولی

که نوری یردن عروج ایلور عرش اعلایه

دیدی بو باشی ویرون ساخلیوم گوزوم اوسته

که جان و مالیمی بذل ایلرم بو سودایه

اوباشی آلماقا اون مین درهم ایلدی بذل

گتوردی دیره یته دلده کی تمنایه

خیال ایدردی که عیسٰی دی بو گلوب دیره

شعاع نوری ضیاءِ بخش اولوب کلیسایه

یولون توزون یووب اوّل گل جمالندن

نجه یودی نه دیوم نسگل اولدی زهرایه

یارالی باشه باخوب راهب حمیده خصال

تعجبیله او باشدان بو نوعی ایتدی سؤال

یارالی باشیوین اولّام فداسی سن کیمسن

بو باشیوین چوخ اولوبدور بلاسی سن کیمسن

کسن بو باشی یقین فاقد مروتیمش

ویرن شمیم محبت دماسی سن کیمسن

یارا یارانی یاروبدور بو یاره لی باشیوین

که واردی اون ایکی کاری یاراسی سن کیمسن

یارالی باشیله سلطان عشق ایدوب اعجاز

تانیدرا اوزنی ایلیوب سخن آغاز

بویوردی من دُر دریای خلقتم راهب

تانی سلالهٔ ختم رسالتم راهب

آتامد شاه ولایت علی ولّی خدا

اوزومده اختر برج ولایتم راهب

آنامدی فاطمه یعنی شعفیهٔ محشر

اوزومده شافع روز قیامتم راهب

یتوردی تا شه دین اوز بیانین اتمامه

اولوبدی راهب او دمده مشرف اسلامه

دیردی بو گیجه یتدیم عجب مقاماته

بسیمدی عمریده بیر بو گجه دنیادن

دیردی بو گجه نین کاش آچلمیه سحری

سحر نجه ال اوزوم میهمان زیبادن

گه ایلیوب گه اوپوب گه آلاردی آغوشه

قویوب برابره که فیض آلوب تماشادن

شب وصال محبت قوتولدی اولدی سحر

گلوب او فرقهٔ بیدکش و دل سُکارادن

او باشی ایستدیلر گتدی ویردی خواه نخواه

ولیک ایلدی خواهش او قوم سُفلادن

بو باشی بیرده دیدی ویرمیون جدا باشینا

قبول ایتمه دی مأیوس اولوب تمنادن

یازیلدی«بوذری»بو نوحه راهب و دیره

جهاندا تیکمه گوزون اهلبیتیدن غیره

بوذری