متن نوحه های ترکی و فارسی

خطاب حضرت زینب (س)

به زمین کربلا درموقع کوچ از قتلگاه

کربلا بو پیکر عریانی تاپشوردوم سنه

یعنی مرآت دل زهرانی تاپشوردوم سنه

جلوه گاه عرش اعظم باب رحمتور بویر

قبله ی عرفان و مصداق حقیقتدوربویر

قدرینی بل بارگاه سروحدتدوربو یر

متن سبحان الذی اسرانی تاپشوردوم سنه

پرتو نوری بو جسمین عرش اعلادن گیچر

جلوه گاه عشقیده بو نوربیضادن گیچر

کیم منیم تک بیربیله نورتجلادن گیچر

اشتراق جنت ماوانی تاپشوردوم سنه

شب چراغ  بارگاه حضرت جانان بودور

منشاءآیات نورنیرسبحان بودور

مصحف و تورات و انجیلهاولان بنیان ندور

نائب حق باطن قرآنی تاپشوردوم سنه

بو وجود نازنینین وجهی وجه الله دور

سر یزدان سرحق غیبیدن آگاه دور

باب رحمت باب عزت ثارثارالله دور

حشراولاندا ایسترم بو قانی تاپشوردوم سنه

بو بدن یاده دوشن وقت شرو شینیمدورمنیم

چونکه عمریم عزتیم نوردو عینیمدورمنیم

بو قزل قانه باتان پیکرحسینیمدورمنیم

یاخشی ساخلا بو سوسوز قربانی تاپشوردوم سنه

چکمز ال بو اشقیا مندن گیدیم یا گیتمیوم

گوگلوم آلقانه دونوب غمدن گیدیم یا گیتمیوم

آیریلوم ای کربلا سندن گیدیم یا گیتمیوم

جان کیمی باس باغریوا بو جانی تاپشوردوم سنه

ایستم حقدن که اود یاغسین بو کفار استینه

الده قمچی قویدولار یوز آل اطهاراستینه

کربلا گردوشسه گون قویما سپهداراستینه

من او قولسوزجان ویرن سقانی تاپشوردوم سنه

سنده گیتدی کربلا تاراجه مالیم قالمادی

شوکت و شانیم گیدوب جاه و جلالیم قالمادی

شاهزاده اکبر  شیرین مقالیم قالمادی

اکبریله اصغرعطشانی تاپشوردوم سنه

کربلا سنده پوزولدی هراساسیم آغلارام

غارت اولدی زیوریم گیتدی لباسیم آغلارام

قان حنا یاخدی اله شهزاده قاسم اغلارام

من گیدوب اول خانه سی ویرانی تاپشوردوم سنه

یا حسین چوخدور گناهیم داد و فریاد ایلرم

نوحه یازدوقجا غمینده نوحه و داد ایلرم

عرصه محشرده مولا سندن امداد ایلرم

(غمگینم)هردردیمی پنهانی تاپشوردوم سنه

مرحوم غمگین تبریزی (امیرخیزی)

منبع کانال گنجینه گذشتگان