متن نوحه های ترکی و فارسی

بازگشت ذوالجناح به خیمه ها

سو کیمی رخساره گوزیاشین رواندور ذوالجناح

هاردا یخدون صاحبون گل نطقه آندور ذوالجناح

تشنه گئتمیشدی گئدنده رزمگاهه شاه دین

وئر خبر آیا اونا سو وئردیلر بو اهل کین

تشنه کام ئولدوردولر یا آل حیدر شاهدین

سو وئرن خنجر دمینده لخته قاندور ذوالجناح

دلده ذکر «الظلیمه» باشدا غوغا گلموسن

راکبون گویا یخوب اوستوندن اعدا گلموسن

عزّت زینون قالوب بس هاردا تنها گلموسن

گوزلرون مخذول اولان تک خونفشاندور ذوالجناح

ایندی گوردوم سس گلور تشکیل قتلی تئز قورون

قانیله بو بی پناهون قتلگاهون دولدورون

قارداشی یوخدی گله فریاده یاقوزدور وورون

من آلاندن بو سسی شغلوم فغاندور ذوالجناح

صاحبون اوسته نقدر اشرار کوفه اوخ ووروب

بیله سنده باش باشا سنبل کیمی اوخلار چاتوب

وار نه علّت بال و یال و کاکلون قانه باتوب

صاحبونده اوخلارا بیله نشاندور ذوالجناح

قالمادی طاقت خیامه گئتماقا سلطانیده

اولمادی گیرم ترحّم لشکر عدوانیده

سن نیه قویدون یارالی پیکرون میدانیده

اهل بیتی بولمدون سینه زناندور ذوالجناح

گون کیمی شرق خیمندن ایندی ایتمیشدی طلوع

هانسی مغربده غروبی وئر خبر تاپدی وقوع

گون باتوب معلوم اولان ظلمات شب ایلوب شروع

اختران برج دین چشمک زناندور ذوالجناح

ایلوری دلدن «حسینی» روز و شب نی تک نوا

صبرین الدن طاقتون دلدن آلوبدور کربلا

خاک سٌمّون ایلسون آغلار گوزینه توتیا

چوخدی شائق تک نه «سعدی زماندور» ذوالجناح

 مرحوم حسینی سعدی زمان

منبع مجموعه کانالهای مدح و مرثیه