دیر راهب

 

منم که درد و بلا آشناسیم راهب

منم که راه وفا رهنماسیم راهب

 

او اوج عشق که عاجزدی طایر اوهام

کمال قدرتیله من هماسیم راهب

 

منیم جلالیمی گوردون گلنده دیره مسیح

منم که اهل ولا مقتداسیم راهب

 

عراق و شام ندور عالمین حکومتینین

بو اقتداریله بی اعتناسیم راهب

 

خطا یولیله بولار خارجی دیلله منه

شریعتین سبب اعتلاسیم راهب

 

وقایه دور بدنیم جدیمون شریعتنه

منای عشقده دینون فداسیم راهب

 

محمد عربی جدّ امجدیمدی منیم

او شاهین آینه حق نماسیم راهب

 

آنامدی بحر عفاف و حیا , او دریانین

منم که گوهر اعلا بهاسیم راهب

 

اگرچه کشتی عمروم دوشوبدی طوفانه

ولی سفینه دین ناخداسیم راهب

 

او کوردل که ایدوب شمع عمرومی خاموش

بولوردی دیده زهرا ضیاسیم راهب

 

یولون توزون که یوزومدن سیلنده گوردون اوزون

حیات گلشنینین من صفاسیم راهب

 

دیلله آدیمه عالمده سیدالشهدا

هامی شهیدلرین پیشواسیم راهب

 

مسافرم گیدورم شامه من بو صومعه نین

فقط بو بیر گیجه زینت فزاسیم راهب

 

بو کاروان که دالیمجا گلور قدم به قدم

طریق عشقده من رهنماسیم راهب

 

 مرحوم حاج حیدرخوندل

منبع مجموعه کانالهای مدح و مرثیه