متن نوحه های ترکی و فارسی

 وداع آخر حضرت امام حسین (علیه السلام)

گل اي مرآت عفت آخرين ديدار دور زينب

چاتوب هجران باشا هنگام وصل ياردور زينب

محبتدن ائدوب دعوت حريم عشقه جانانيم

زهي اقباليمه ،وصله مبدل اولدي هجرانيم

بونون شكرانه سينده پيشكش عنوانينه جانيم

نثار پيشگاه حضرت دلدار دور زينب

ماي جان آچوبدور بال و پر وجد و نشاطيمدن

اولوب محو انقباض دل كمال انبساطيمدن

ائدوب شوق لقا، آسوده خاطر هر بساطيمدن

بو بحث و فحص دن عمده نظر ، ديدار دور زينب

گرك باشدان گئچم كوي محبتده بو دور عهديم

اگرچه واقفم آخر اولار اوز مقتليم مهديم

اولام ثابت قدم عشقيمده وار جديت و جهديم

كه عشقين اولين شرطي نه چون ايثار دور زينب

منظم دور نظام كون و امكان انتظاميمدان

قتيل اولام وليكن چكمرم ال اوز مراميمدان

گرك عالمده اولسون زنده قد قامت قياميمدان

جهاندا اهل اسلامه بو بيرهشدار دور زينب

حسين بن علي عالمده استكباه اگمز باش

گئچر باشدان ولي ارباب استعماره اگمز باش

جهاندا آز ياشار ، آزاد ياشاركفاره اگمز باش

حسينون آرامانيندا باش اگيماق عار دور زينب

گرك دنيا يوزوندن كفر و استكبار پاك اولسون

قياميمدان بو دور فكريم كه ظالم لرهلاك اولسون

منيم بو آرمانيم اهل دنيايه ملاك اولسون

كه ظلمين ريشه سين كسماق گوزل افكاردور زينب

اگر توش اولسا سينه م يوخ غميم شمشير ظلامه

بو چولده دوزموشم علت بودور هر رنج و آلامه

كه لطمه وير ماسون بيگانه لر فرهنگ اسلامه

غرض فكريم جهاندان محو استثماردور زينب

هراسيم يوخ بو لشگردن منم شير خدا اوغلي

جهان خصم اولسا باك ائتمز ولي كبريا اوغلي

باش اگمز قوم ظلامه علي المرتضي اوغلي

آتام مولي الموالي حيدر كرار دور زينب

بو چولده سود امردن دولت ايثاريدن گئچديم

ابوالفضليم كيمي صولتلي پرچمداريدن گئچديم

جبيب بن مظاهر تك قوجا سرداريدن گئچديم

كه دين اولسون جوان ، چون دين منه معياردور زينب

باجي سن بو بياباندا منيم نايب منابيم سن

شياطين زمانين رجمينه تير شهابيم سن

علمدار قياميم سن شريك انقلابيم سن

سبب نشر قيامه عمده پرچمدار دور زينب

مني جورو جفادن ئولدورر بو قوم سنگين دل

اولار امرين بو صحراده سنون مندن صورا مشگل

تحمل ائت اسير ائدسه جفادن فرقه باطل

شهادتده اسارت وار بو بير اسرار دور زينب

دايان سيل بلاده داغ كيمي بو قانلي صحراده

تحمل ائت منيم قتليمده گلمه شيون و داده

اسيراولساندا ال چكمه حقيقتدن كه ، آزاده

هميشه كفريله آماده پيكار دور زينب

اگرمن ئولمسم عدل الهي پايدار اولماز

بناي شرع پيغمبر جهاندا استوار اولماز

شريعت پايدار اولمازحقيقت آشكاراولماز

حسين ئولسون؛ ديريلسون دين حق ناچاردور زينب

سنه تاپشيرديم اي زهرايه مظهر آل اطهاري

بو سن بو اهل بيتيم اي كمند غم ، گرفتاري

اوزوندن جد و جهد ايله رضا ائت حي قهاري

پرستار اول بالام سجاده ، چون بيماردور زينب

بو چولدن كوچ ائدنده اهل بيتيم شامه كف بسته

سوار ايله اوزون محمل لره آهسته آهسته

عداوتدن عدو بولمز كه بو اطفال دل خسته

علي اولادي ، آل احمد مختاردور زينب

مواظب اول اوشاقلاردان سنه هرچند زحمت دور

خصوصاً بو رقيه مندن كه محتاج محبت دور

يتيمين كونلون آلماق حشرده پاداشي جنت دور

بو فيضه واقفم نايل اولان اخيار دور زينب

باجي هرچند الف قدين اولار بار محندن دال

تلاش ائت قيزلارين بير بير ولي بو چولده كونلون آل

جوان داغي گورنلر باشينا ظل محبت سال

يورولما ، سن منه، حقده سنه غمخوار دور زينب

اگرچه عاشق ((شب خيز)) غرق بحر عصياندي

ولي نادم دي اوز خبط و خطا سندان پشيماندي

الينده توشه سي آزدي، قيامتدن هراساندي

اميدي حشره مقبول اولسا بو اشعار دور زينب

دعا ايله خدا گئچسون قيامتده گناهندان

پشيمان دور نچون اعمال زشت و اشتباهندان

پناهنده اولوب درباريوه ، قوغما پناهيندان

منه خاطر كه دربارين بيوك دربار دور زينب

مرحوم عباس شب خیز

منبع مجموعه کانالهای مدح و مرثیه