ورود به مدینه 5548

ورود به مدینه

 

زهرا قیزی آیریلدی مزار شهدادن

غم قافله سی دوشدی یولا کرب و بلادن

 

محملده سالوب باشلارینا قاره حرملر

گئتدوقجا شتر زنگی حسین وای سسی سسلر

 

کلثوم باسوب سینیه عباس علمینی

لیلا آلوب آغوشه علینون کفنینی

 

بیردن دئدی قزلار بی بی گورسندی مدینه

زینبده حسین پیرهنین آلدی الینه

 

سسلندی او بیکس خانم ای شبه پیمبر

گل عمّووی پیشواز ایله گلدیم علی اکبر

 

غم قافله سی دوشدی بیابان آراسیندا

زینب اورگی لجۀ طوفان آراسیندا

 

محملدن انن وقته او بانوی مطهر

همیشه دوشوردوردی علمدار دلاور

 

بیر باخدی ساقا بیر صولونا اولدی پریشان

بس هاردا قالوبسان دئدی قوللاریوه قربان

 

سس وئرمدی عباس گلوب سینه سی درده

اندی یره محملدن اوتوردی قوری یرده

 

اون یدی جوانیله گئدن وقتیده گئتدیم

قویدوم هاموسین توپراقا آواره قیتدیم

 

ئوز شهرینه زوار چاتاندا اولی راحت

چاووش آچار پرچمینی تا آلا خلعت

 

چاووش علی ابن حسین ابن محمد

زحمت کش و سر قافله عترت احمد

 

بیر قاره علم آچدی نواسی اوجالاندی

تا گلدی سراپرده قباقینده دایاندی

 

توپراقه ئوزون یخدی او چاووش محبت

زهرا قیزی زینبدن او دم ایستدی خلعت

 

سالدی اشاقا باشین او خاتون قیامت

دنیا مالی یوخ گوردی خانم چکدی خجالت

 

سسلندی او غم دیده بلالی باشیم ای وای

ای وای جلالی پوزولان قارداشیم ای وای

 

چون شامیده آلمیشدی خانم بیر نچه غارت

گوندردی همین غارتی چاووشینه خلعت

 

چاووش آلوب باخدی پریشان اولوب احوال

قیتردی او دسمالِ خانم زینبی فی الحال

 

عرض ائتدی نه شمرم نه سنانم سیزه قربان

اطفال حسینی ایلیم ظلمیله تالان

 

دنیا مالی من ایستمورم آل خدادن

لطف ایله اگر اولسا لباس شهدادن

 

من قبره گئدنده آپاروم موسم رحلت

اولسون منه محشر گونی اسباب شفاعت

 

تئز دوردی خانم گوزلرینون یاشینی توکدی

بیر تحفه گوتوردی او همین بقچیه بوکدی

 

گوندردی بشیره دئدی چوخدور اونا قیمت

آلدی اله چکدی گوزونه قیلدی زیارت

 

حس ایلدی تیترور اورگی درده دوادور

الله گوره سن هانسی لباس شهدادور

 

گوزدن توکولوب یاش نجه که بوقچانی آشدی

ناگه گوزی بیر قرمزی دسماله ساتاشدی

 

رنگی ساریدور قرمزی قانه بویانوبدور

اما ایکی یردن دگوب اوخ پارچالانوبدور

 

هی باخدی توکوب گوز یاشینی رنگی سارالدی

گلدی او قضایانی خانمدان خبر آلدی

 

حضرت دئدی باخسون تانینور اوخ یاراسیندان

آلدیم اونی ششماهه بالانون آناسیندان

 

« منعمدور » آدیم عرصۀ ماتم چمنیمدور

هر یرده حسین وای سسی گلسه وطنیمدور

 

بو قاره نقدری دیری یم پیرهنیمدور

ئولسمده آغیر داشلارون آلتدا کفنیمدور

 

منعم اردبیلی

منبع مجموعه کانالهای مدح و مرثیه

زبانحال امام حسین (ع) به حضرت ابوالفضل (ع) 4938

زبانحال امام حسین (علیه السلام)

به حضرت ابوالفضل (علیه السّلام)

 

ای شاهباز بی پریم میداندا یاتما دور گئدک

عبّاس همّت پروریم میداندا یاتما دور گئدک

 

گلشنده سینون یاره سی گللّر آچوب گلزار تک

امّا شکفته گللّره اوخلار باتوبدور خار تک

اعدایه اولدون نیزه پوش سن جعفر طیّار تک

دوشدوم حصار آهنه من نقطۀ پرگار تک

باخدوقجا تترر پیکریم میداندا یاتما دور گئدک

 

بیر یاندا پرچم بیر یانا پیکر بویوندا قول دوشوب

قانون آخوب سو تک یره میداندا قرمز یول دوشوب

نخل وجودوندان اَخی برجسته بیر جوت قول دوشوب

بیر یاندا شمشیرون دوشوب بیر یاندا ساق و صول دوشوب

ای یادگار حیدریم میداندا یاتما دور گئدک

 

علقم کنارینده سنون اطارفوی دشمن آلوب

آتدان یخوبلار تُپراقا جسمون یوزی اوسته قالوب

گویا سنق کشتی دوشوب گردابیده لنگر سالوب

فارغ اولوبدور کوفیان طبل یریش بیردن چالوب

آلدی قشون دور و بریم میداندا یاتما دور گئدک

 

آهیم بو لرزان جسم تک لرزه سماواته سالور

قارداشوی دشمن گورور بو حالتیله کام آلور

یاتما بو قانلی رزمیده اخیام بی صاحب قالور

من باشون اوسته آغلارام شام اهلی امّا اَل چالور

ظاهر اولوبدور محشریم میداندا یاتما دور گئدک

 

تیر جفایه آلنوی قوم دنی ائتمیش هدف

اَل اولمیوبدور گوزلروندن قانی ائتسون بر طرف

قان پرده چکمیش رویوه آی تک اولوبدور منخسف

نیزاریدور گویا سینون اوخلار دوروبدور صف به صف

ای یاره لی سرلشکریم میداندا یاتما دور گئدک

 

مرحوم مُنعم اردبیلی

وداع حضرت امام حسین (ع) 3252

وداع حضرت امام حسین (علیه السلام)

اخیامیدن آیریلدی زهرانون او دلبندی

بیر خیرداجا قیز قاشدی دالدان بابا سسلندی

ای قلبیمون آرامی، گور دیده ترم بابا

بیکس بالووام گوزدن قان یاش الرم بابا

گئتمه سو آدین والله، بیرده دیمرم بابا

هی سسلدی جان بابا، قوللارین آچیب قاشدی

گلدی او کفن گئیمیش سلطانه یاخونلاشدی

راکب بویانوب قانه، مرکبده آچوب شهپر

سرعتله گیدور باشدا، وار شوق علی اکبر

بیر سس ایشیدوب سالدی، کشتی خدا لنگر

دوندی دالا بیر باخدی، یاشیله دولوب گوزلر

گل آغلاما جان بالا، مندن سورا آغلارسان

باشسیز بدنیم گورسون میداندا قوجاقلارسان

گلدون نیه بس گلدون اولما بالا عطشانسان

سو یوخ بابا دردیم وار، چیخمیش عطشیم یاددان

آیا ندی؟ بس دردون ده باغریمی ائتدون قان

عرض ایلمرم بابا تا دوشمه میسن آتدان

شاهین اتگین دوتدی عرض ائتدی یانایانه

گوز یاشلی قویوب گئتمه، رحم ائت من نالانه

دوشدی آلوب آغوشه اوپدی قوری لبلردن

بو اوپدی او القانی، پاک ایلدی پیکردن

بیر سوز دئدی یاش توکدی کیپریک سانی گوزلردن

یاندیم باباجان یاندیم، ای وای بو بلالردن

گئتسون منی دوشمنلر یالقوز گورجئک بابا

وای قمچی‌لر آلتیندا شمر اولدورجک بابا

دردین دیوب آغلاردی اول قانلی کفن پوشه

شاهون غمی دریا تک موج ائتدی گلوب جوشه

توپراق ایده اگلشدی محکم باسوب آغوشه

ناگه یومولوب گوزلر، دینجلدی گیدوب هوشه

بیردن دوروب عرض ائتدی، دردون آلارام بابا

مانع دگولم واللاه، گئت آغلامارام بابا

الدن منی قویموردون ای دردی اولان دریا

ایندی دیوسن دور گئت نه اولدی سبب بابا

عرض ایلدی اینجیتدیم عفو ایله منی بابا

الان یوخودا گوردوم گلمیشدی آنام زهرا

امر ایلدی اینجیتمه مهمانیمی قوی گلسون

آغلاتما یول اوستونده جانانیمی قوی گلسون

منعم اردبیلی

منبع مجموعه مدح و مرثیه

آمدن آهو به خرابه شام 3065

آمدن آهو به خرابه شام

 

مُحرران وفا مُنشیان محنت و غم

ائدوبله اوّل سرلوحه ده بو نوعی رقم

 

خرابه نون قاپوسیندا اسیر قوم عناد

امام مُفترضُ الطاعه سیّد سجاد

 

دوروب ائدردی تماشا ملول و دل ناشاد

گوروب بیر آهونی صید ایلیوبدی بیر صیاد

 

کئچنده آهو دونوب باخدی بیر امامه طرف

دیردی باطناً ای ابن شهریار نجف

 

ترحم ائت منه ای پادشاه عالمیان

ئوزوم دچار قالوبدور ایکی بالام ویلان

 

چاغوردی اوچونی فرزند سرور بطها

خلاص ایله بویوردی بونی رضای خدا

 

گئدوب بالالارینون حال زارینی بیلسون

قالوبلا آج اولارا صود وئروب گنه گلسون

 

اگر قیتمسه من ضامنم بو آهویه

بهاسینی وئرورم گرچه گئتسه هر سویه

 

دونوب امامه باخوب حیرتیله اول صیاد

شمادتیله دئدی ای اسیر دل ناشاد

 

اگر سنون بو قدر ثروت و جلالون وار

خرابه دن و بو زنجیردن ئوزون قورتار

 

الین اوزاتدی یره سرور حجاز و عراق

گوتوردی وئردی او صیاده بیر اووج تپراق

 

ائدنده تپراقا صیاد دقتیله نظر

نه گوردی تپراق اولوبدور تمام دُر و گهر

 

دوشوب ایاقینه عرض ائتدی کیمسن ایله بیان

آتام آنام ئوزوم اولام آقا سنه قربان

 

بویوردی حجت باری منم امام زمان

آتام حسیندی سوسوز کسدیلر باشین دالیدان

 

یوزون ایاقینه قویدی به دیدهٔ گریان

دیردی عجزیله العفو یا امام زمان

 

دوروب آچوب ال ایاقین بوراخدی حیوانی

ئوزوندن ایلدی راضی امام والانی

 

خلاص اولجاقین آهو قویوب بنای فرار

او قدر گئتدی که تا گوز ایویندن اولدی کنار

 

دوروبدی اوچی ولی کئچمدی او قدر زمان

ایکی بالاسی یانیندا یتیشدی اول حیوان

 

دوشوب ایاقلارینا اذن وئردی گوز یاشینا

دوروب امام زمانون دولاندیلار باشینا

 

دیردی باطناً عهدیم باشا یتیردیم آقا

بو ایکی طفلیمه صود وئرمدیم گتیردیم آقا

 

دولوبدی دوشلریم ای پادشاه هر دو سرا

اجازه وئرسون اگر صود وئرم بالالاریما

 

بویوردی آهویه اول یادگار ختم مآب

آپار بالالاروی ائت خرابه ده سیراب

 

گتوردی گوشهٔ ویرانیه ایکی بالانی

آلوب آرایه ایکی صود امر بالا آنانی

 

اَمَردیلر ایکی یاندان باخاردی آل الله

خانملارون آراسیندا گوروبدیلر ناگاه

 

اوجالدی ناله علی اصغرون آناسیندان

خرابه نالیه گلدی اونون نواسیندن

 

دیردی گل آنون ئولسون گُلیم سولوبدی بالا

هایانداسان علی جان دوشلریم دولوبدی بالا

 

بالا قوجاقیمه گل آغلا بیر دیوم جان جان

او‌گل کیمی سارالان رنگوه آنون قربان

 

بیر آز قالوبدی چخا جانیم اشتیاقوندن

خرابه ده یانارام من سنون فراقوندن

 

ندندی گلمز اجل قورتارام من ناشاد

آنوی یاخشی ملر قویموسان ایوون آباد

 

گل ای قویان منی هجرینده یانه یانه بالا

خدنگ قامتیمی دوندرن کمانه بالا

 

بو نسگیلون آنوی یاندیرور آنون ئولسون

نه نوعی تاب ائلدون تیر جانستانه بالا

 

چالاندا سن ال ایاق اولمادیم یانوندا سنون

یانار یانان اورگیم آتش نهانه بالا

 

هامی آنا بالاسین قتلگاهیدن تاپدی

تاپانمدیم سنی باغریم دولاندی قانه بالا

 

علی ئوزون باباوین سینه سینده یات راحت

آنوی قویگیلا ویرانه لرده جانه بالا

 

بیلوبدی باب کرمسن دخیل درگاهون

گلوب امیدیله (منعم) بو آستانه بالا

 

مرحوم منعم اردبیلی

آرزوی زیارت 2711

آرزوی زیارت

 

گوگلوم گینه‌ده غفلتی القانیله دولدی

عباس مزاری گوزومه جلوه‌گر اولدی

 

باخگور نه چراغانیدی درباری حسینون

مبهوت ایلیوب عالمی گلزاری حسینون

 

افسوس ‌بو ایل ‌بیزلره ‌بخت ‌ایتمدی یاری

آغوشه  آلاق  بیزده  او شش‌گوشه مزاری

 

اولدی نظریمده ایکی گلدسته مجسم

گوردوم ‌ویریلوب‌ گنبده‌ بیر قرمزی پرچم

 

گوردوم نجه کی قرمزینی بُهتده قالدیم

پرچم نیه بس قرمزیدور من خبر آلدیم

 

آخر بو جواندور دیدی سرداری حسینون

فرمانده لشگردور علمداری حسینون

 

ناحق یره اولدوردوله بو تشنه جوانی

پرچم اودو که قرمزیدور یرده‌دو قانی

 

یتمیش‌ایکی‌ لشگر الی ‌قانلی اوزی قانلی

نهر اوسته او غیرتلی نگهبانوه قربان

 

قان صاحیبینه جانوه جانانوه قربان

سیننده یاتان خیرداجا قربانوه قربان

 

مرحوم منعم اردبیلی

حضرت امام حسین (ع) 2286

حضرت امام حسین (علیه السلام)

 

آند اولسون اسن یللره افلاکه و زمینه

لوح و قلم و قدرته قرآن مبینه

 

آند اولسون او وحشتلی بولوطلار که فضایه

قالخاندا آغر باریله قالخاندا هوایه

 

آند اولسون او دریالره که موج ورولار

آند اولسون او داغلار که فضایه اوجالوبلار

 

آند اولسون او اللهه که با عزم اراده

بیر آلما کیمی گزدیری دنیانی هواده

 

آند اولسون او دیللر که دل شبده سیزیلدار

آند اولسون او گوزلر که سحرگاه قان آغلار

 

آند اولسون او صفلر که پیمبر ئوزی قوردی

اوچ یوز اون اوچ اصحابیله صف باغلادی دوردی

 

صفلر پوزولوب دشت احد قانه بویاندی

آند اولسون او صفلر که صلاسلده قورولدی

 

آند اولسون همین صفلره صفینیده دوردی

آند اولسون او صفلرکه حسین کرب وبلاده

 

یتگیش ایکی قربانیله صف چکدی مناده

آند اولسون او صفلر که دوروب راز و نیازه

 

صبح اولدی جوانلار صفیله دوردی نمازه

آند اولسون او صفلر که هامی قاننه باتدی

 

اولدی متفرق یخیلوب یان یانا یاتدی

آند اولسون او صفلر که جهاندان الین اوزدی

عباس گتوردی اولاری بیر صفه دوزدی

 

آند اولسون او صف که او صفه آغلادی داشلار

سر نیزه لر اوستونده دوزولدی صفه باشلار

 

بر حقدی حسین حقیدی دیوان عدالت

برحقدی قرآن مبین حقدی قیامت

 

ای منکر اولان محشره قرآن مبینه

صبر ایله دیرسن یوزی اوستنده زمینه

 

صبر ائت اینانارسان الون الدن اوزولنده

آغ کوینگیلن اوستوه داشلار دوزولنده

 

ای منکر دیوان خدا روز قیامت

بیر سوز دیوم انصافیله گل ایله قضاوت

 

آیا کیمه ظلم ایلدی اصغر قانا باتدی

هم یاتدی او دیلسیز بالا هم حرمله یاتدی

 

آسوده یاتا حرمله قبرون بوجاغیندا

اصغر اوزی گوز قانی حسینون قوجاغیندا

 

آند اولسون اونون قانینه بیر صاحب قان وار

قوی پرده دولانسون نجه باخ گور قان آلان وار

 

ای شمر ئولوم یوخدی سنه کاموی آلدون

ئولدوردون حسینی باجیسین چوللره سالدون

 

سعد اوغلینا پاداش ریون ملکی یازیلدی

اوچ قانه باتان میته بیر قبر قازیلدی

 

گلدی آتاسین قبره قویا سید سجاد

بیر کهنه حصیره بوکوب اول پیکری ای داد

 

حضرت نجه که قبره دوشوب رنگی سارالدی

باشسیز بدنی الرینون اوستونه آلدی

 

قبره اله که قانه باتان پیکری قویدی

گتدی ایاقی آلتدا علی اکبری قویدی

 

چخدی ائله که قبریدن اوستی باشی توزدی

بیر منظره گورسندی اونون حالینی پوزدی

 

حیرتله باخوب اللری قوینوندا دایاندی

باشسیز بوغازیندان او شهون سس اوجالاندی

 

ای عصرون امامی بالا ای قلبی شکسته

ششماهه علی اصغری قوی سینمون اوسته

 

بو قان قالاجاق محشره ای قان آلان الله

آلدی نجه آلدی امان الله امان الله

 

"منعمدور" آدیم نوکر دربار حسینم

یوخ یوخ غلط ائتدوم سگ مردار حسینم

 

مرحوم استاد یدالله منعم  اردبیلی

زبانحال حضرت امام حسین (ع) در بالین حضرت ابوالفضل (ع) 1419

 زبانحال حضرت امام حسین (ع)

در بالین حضرت ابوالفضل (ع)

 

ای شاهباز بی پریم میداندا یاتما دور گئدک

عبّاس همّت پروریم میداندا یاتما دور گئدک

 

گلشنده سینون یاره سی گللّر آچوب گلزار تک

امّا شکفته گللّره اوخلار باتوبدور خار تک

اعدایه اولدون نیزه پوش سن جعفر طیّار تک

دوشدوم حصار آهنه من نقطۀ پرگار تک

باخدوقجا تترر پیکریم میداندا یاتما دور گئدک

 

بیر یاندا پرچم بیر یانا پیکر بویوندا قول دوشوب

قانون آخوب سو تک یره میداندا قرمز یول دوشوب

نخل وجودوندان اَخی برجسته بیر جوت قول دوشوب

بیر یاندا شمشیرون دوشوب بیر یاندا ساق و صول دوشوب

ای یادگار حیدریم میداندا یاتما دور گئدک

 

علقم کنارینده سنون اطارفوی دشمن آلوب

آتدان یخوبلار تُپراقا جسمون یوزی اوسته قالوب

گویا سنق کشتی دوشوب گردابیده لنگر سالوب

فارغ اولوبدور کوفیان طبل یریش بیردن چالوب

آلدی قشون دور و بریم میداندا یاتما دور گئدک

 

آهیم بو لرزان جسم تک لرزه سماواته سالور

قارداشوی دشمن گورور بو حالتیله کام آلور

یاتما بو قانلی رزمیده اخیام بی صاحب قالور

من باشون اوسته آغلارام شام اهلی امّا اَل چالور

ظاهر اولوبدور محشریم میداندا یاتما دور گئدک

 

تیر جفایه آلنوی قوم دنی ائتمیش هدف

اَل اولمیوبدور گوزلروندن قانی ائتسون بر طرف

قان پرده چکمیش رویوه آی تک اولوبدور منخسف

نیزاریدور گویا سینون اوخلار دوروبدور صف به صف

ای یاره لی سرلشکریم میداندا یاتما دور گئدک

 

مرحوم مُنعم اردبیلی

زبانحال حضرت رقیه (س) در وداع امام حسین (ع) 421

زبانحال حضرت رقیه (سلام الله)

در وداع امام حسین (علیه السلام)

 

اخیامیدن آیریلدی، زهرانون او دلبندی

بیر خیرداجا قیز قاشدی دالدان بابا سسلندی

 

ای قلبیمون آرامی، گور دیده ترم بابا

بیکس بالووام گوزدن قان یاش الرم بابا

گئتمه سو آدین واللاه، بیرده دیمرم بابا

هی سسلدی جان بابا، قوللارین آچیب قاشدی

گلدی او کفن گئیمیش سلطانه یاخونلاشدی

 

راکیب بویانوب قانه، مرکبده آچوب شهپر

سرعتله گیدور باشدا، وار شوق علی اکبر

بیر سس ایشیدوب سالدی، کشتی خدا لنگر

دوندی دالا بیر باخدی، یاشیله دولوب گوزلر

گل آغلاما جان بالا، مندن سورا آغلارسان

 

باشسیز بدنیم گورسون میداندا قوجاقلارسان

گلدون نیه بس گلدون اولما بالا عطشانسان

سو یوخ بابا دردیم وار، چیخمیش عطشیم یاددان

آیا ندی؟ بس دردون ده باغریمی ائتدون قان

عرض ایلمرم بابا تا دوشمه­مییسن آتدان

 

شاهین اتگین دوتدی عرض ائتدی یانایانه

گوز یاشلی قویوب گئتمه، رحم ائت من نالانه

دوشدی آلوب آغوشه اوپدی قوری لبلردن

بو اوپدی او القانی، پاک ایلدی پیکردن

بیر سوز دئدی یاش توکدی کیپریک سانی گوزلردن

 

یاندیم باباجان یاندیم، ای وای بو بلالردن

گئتسون منی دوشمنلر یالقوز گورجئک بابا

وای قمچی‌لر آلتیندا شمر اولدورجک بابا

دردین دیوب آغلاردی اول قانلی کفن پوشه

شاهون غمی دریا تک موج ائتدی گلوب جوشه

 

توپراق ایده اگلشدی محکم باسوب آغوشه

ناگه یومولوب گوزلر، دینجلدی گیدوب هوشه

بیردن دوروب عرض ائتدی، دردون آلارام بابا

مانع دگولم واللاه، گئت آغلامارام بابا

الدن منی قویموردون ای دردی اولان دریا

 

ایندی دیوسن دور گئت نه اولدی سبب بابا

عرض ایلدی اینجیتدیم عفو ایله منی بابا

الان یوخودا گوردوم گلمیشدی آنام زهرا

امر ایلدی اینجیتمه مهمانیمی قوی گلسون

آغلاتما یول اوستونده جانانیمی قوی گلسون

 

 مرحوم منعم اردبیلی