زبانحال حضرت رقیه (س) 5261
زبانحال حضرت رقیه (سلام الله)
یتوشدوم جانه بو ویرانه ده ای عمه تدبیری
گوتورمز شمربوینومدان ندندوربس بو زنجیری
قوری یرغربت مکاندا قولاریم باغلی
اولا صیاد کافر باغلاماز بو نوعی نخجیری
سوله شمره بسدور منه زنجیر
ندورظالم مگرطفل صغیرین جرم و تقصیری
منیم نالم داشا تاثیر ایدر ای عمه جان بلم
نه باعثدور که شمربیحیا یه یوخدی تاثیری
سوله بیرده یتیمه دور رقیه بیله اینجتمه
سنی آخردوتاربو یتیمین آه شبگیری
منی بو سنیده قارداش غمی ایلوبدی بی طاقت
اولوبدی قارداشیم عشقی منیم بوینومدا زنجیری
کمند زلفیوی سال بوینوما ای مهربان قارداش
او زلفه پای بند ایله من محزون و دلگیری
اورکده وار او قدری درد هجران ای علی اکبر
منه یازدی فلک آز عمریله بیر بیله تقریری
بابام رویاده گلموشدی دیرردی میهمانیمسن
بویور ای عمه جان آیا ندور بو خواب تعبیری
منیم تک آج قالان واردورمگر عمه بو شام ایجره
شکایت ایتمرم اولموش قضانین بیله تقدیری
گیجه گوندوز فغان اولدی ایشیم ای عمه جان غمدن
علی اصغربوغازیندان دگن اوچ شعبه لی تیری
گورنده شمری عمه یاده سالام قتلگاهی من
اولارگوزده مجسم اول شقینین قانلی شمشیری
خیالات مصائب قلب (مظلومه) مقدردور
اگر عالم یغولسا یوخدی کیم تقدیره تدبیری
مرحوم مظلوم تبریزی
منبع کانال گنجینه گذشتگان
با سلام